سانحہ مری میں دل دہلا دینے والے مناظر سامنے آئے، تحقیقات جاری ہے، حماد اظہر

ویب ڈیسک

10th Jan, 2022. 08:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سانحہ مری میں دل دہلا دینے والے مناظر سامنے آئے، تحقیقات جاری ہے، حماد اظہر

وفاقی وزیر توانائی حماد اظہر نے کہا ہے کہ سانحہ مری میں دل دہلا دینے والے مناظر سامنے آئے تاہم اس حوالے سے تحقیقات جاری ہے۔

قومی اسمبلی اجلاس میں اظہار خیال کرتے ہوئے حماد اظہر نے کہا کہ سانحہ مری میں دل دہلا دینے والے مناظر سامنے آئے، گزشتہ حکومتوں میں بھی سانحات ہوئے تاہم سانحہ مری کی تحقیقات جاری ہیں۔

انہوں نے کہا کہ ملوث افراد کو سزا دی جائے گی، مری میں برفباری کے وقت ایس او پیز کو معطل کیا گیا۔

حماد اظہر نے کہا کہ شدید برفباری میں لائن مینوں کو کھمبوں پر چڑھایا گیا، ناہموار راستوں کے باوجود بجلی کی بحالی کا عمل شروع کیا گیا۔

وفاقی وزیر نے کہا کہ مری میں گیس کی فراہمی میں بھی فوری اضافہ کیا گیا، بجلی اور گیس کے عملے نے فوری اقدامات کیے۔

ان کا کہنا تھا کہ حکومت سیزن میں ہوٹلوں میں ایڈوانس بکنگ پر عملدرآمد کرائے، اس سے لوگوں کا رش کم ہوگا۔

حماد اظہر نے کہا کہ مری 1890 کے ڈھانچے ہر چل رہا ہے،مری کو فوری ضلع بنایا جائے، مری کے ریاستی ڈھانچے کو بہتر بنایا جائے گا۔

انہوں نے کہا کہ گیس دستیابی کے لحاظ سے گیس کے نئے کنکشنز دیں گے، کورونا کے دوران مستحق افراد کو سبسڈیز دی گئی ہیں، پوائنٹ اسکورنگ کی بجائے مثبت بحث کی جانی چاہیے۔