شمالی کوریا کے لیڈر کم جونگ اُن کا کہنا ہے کہ 2022 میں وہ اقتصادی ترقی اور لوگوں کی زندگیوں میں بہتری لانا چاہتے ہیں۔

شمالی کوریا کے سرکاری میڈیا کے مطابق شمالی کوریا کی قیادت سنبھالنے کے 10 سال مکمل ہونے پر کم جونگ اُن نے ایک تقریب سے خطاب کیا ہے جس میں انہوں نے جوہری ہتھیاروں اور امریکا کے خلاف اشتعال انگیزی سے زیادہ ملک میں ترقی، روزگار اور تعلیم پر زور دیا ہے۔

یہ بھی پڑھیے: شمالی کوریا میں اسکوئیڈ گیم اسمگل کرنے والے شخص کو سزائے موت

اپنے خطاب میں کم جونگ ان نے کہا کہ وہ ملک کی اقتصادی ترقی اور لوگوں کی زندگیوں میں بہتری لانا چاہتے ہیں۔

شمالی کوریا کے رہنما کا کہنا تھا کہ 2020 میں ان کی سب سے زیادہ کوشش عوام کی فلاح کے لئے جاری منصوبوں کی تکمیل ہے تاکہ ملک میں ترقی ہو اور عوام کی زندگیوں میں نمایاں تبدیلیاں لائی جاسکیں۔

یہ بھی پڑھیے: شمالی کوریا میں ہنسنے اور گروسری کی خریداری پر پابندی عائد

کم جونگ اُن نے اپنے خطاب میں زیادہ توجہ ملک کے اندرونی مسائل کے حل، دیہی علاقوں کی ترقی، خوراک کی فراہمی، ٹریکٹر فیکٹری کے قیام، تعلیمی اصلاحات اور غیر اشتراکی طرز عمل اختیار نہ کرنے والوں کے خلاف کریک ڈاؤن پر صرف کی۔

دوسری جانب مغربی مبصرین نے کہا ہے کہ کورونا وبا کے دوران بھی شمالی کوریا نے اپنے مئزائل پروگرام کو جاری رکھا، اس لئے خدشہ ہے کہ کم جونگ اُن کی جانب سے ٹریکٹر فیکٹری کو میزائلوں کے لیے لانچنگ پیڈ گاڑیاں بنانے کے لیے بھی استعمال کرنے کا امکان ہے۔