بھارت ناصرف اقلیتوں اور خواتین کے لیے انتہائی غیر محفوظ ہوچکا ہے بلکہ اب مودی راج میں چھوٹے بچے بھی محفوظ نہیں رہے۔

بھارتی دارالحکومت نئی دہلی جنسی زیادتوں کا گڑھ بن چکا ہے، جہاں دو 11 سالہ لڑکوں نے 8 سالہ بچی کو جنسی زیادتی کا نشانہ بنا ڈالا۔

جنسی زیادتی کا یہ واقعہ عثمان پور میں پیش آیا ہے۔

بھارتی ذرائع ابلاغ کے مطابق بچی کو شدید چوٹیں آئی ہیں جس کے باعث اس کی سرجری کرنی پڑی۔

فی الحال بچی کو آئی سی یو سے وارڈ میں منتقل کر دیا گیا ہے۔

پولیس کے مطابق دونوں لڑکوں کو گرفتار کر لیا گیا ہے۔

لڑکی کی والدہ کی جانب سے درج کرائے گئے مقدمے میں کہا گیا ہے کہ پیر کے روز بچی دوپہر دو بجے اپنے گھر کے باہر بیٹھی تھی، پڑوس میں رہنے والے لڑکے نے بیٹی کو کھیلنے کے بہانے بلایا اور اپنے انکل کے گھر میں لے گیا، اس کا دوست بھی ساتھ تھا، گھر میں دونوں لڑکوں نے بچی کو جنسی زیادتی کا نشانہ بنایا اور واقعہ کا ذکر کسی کے سامنے کرنے پر لڑکی کو جان سے مارنے کی دھمکیاں دینے کے بعد فرار ہو گئے۔

ایف آئی میں مزید بتایا گیا کہ متاثرہ بچی شام ساڑھے چار بجے گھر لوٹی تو اس نے اپنی والدہ سے جسم کے کچھ حصوں میں درد کی شکایت کی، جس کے بعد والدہ اسے ڈاکٹر کے پاس لے گئیں۔

ڈاکٹر بچی کی حالت دیکھ کر پریشان ہو گئی اور بچی کی والدہ کو بیٹی کا میڈیکل کرانے کی ہدایت کی جس میں بچی کے ساتھ ریپ کی تصدیق ہوئی۔