بارش بند ہونے کے باوجود مختلف علاقوں میں بجلی کی سپلائی تاحال بحال نہ ہو سکی۔
تفصیلات کے مطابق سنگھ پورہ، باغبانپورہ، لاری اڈہ، بادامی باغ، مرغزار کالونی میں 24 گھنٹے سے بجلی بند ہے جبکہ اقبال ٹاؤن، ٹاؤن شپ، کوآپریٹو سوسائٹیز میں بھی جزوی طور پر بجلی بند ہے۔
ترجمان لیسکو کا کہنا ہے کہ لیسکو ریجن میں ہونے والی موسلادھار بارش سے متاثرہ بیشتر علاقوں کی بجلی بحال کردی گئی ہے اور لیسکو کا سسٹم مکمل طور پر کام کررہا ہے۔
ترجمان لیسکو کے مطابق چند ایک مقامات پر بجلی کی بحالی کا کام جاری ہے جس کے باعث حفاظتی اقدامات کے پیش نظر ان علاقوں کی بجلی جزوی طور پر بند ہے، جلد ہی تمام علاقوں میں بجلی کی سپلائی مکمل طور پر بحال ہوجائے گی۔
ترجمان لیسکو کا کہنا تھا کہ لیسکو چیف چوہدری محمد امین نے تمام فیلڈ اسٹاف کی چھٹیاں منسوخ کردی ہیں تاکہ صارفین کی بجلی سے متعلق شکایات کا فی الفور ازالہ کیا جاسکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
