نیویارک:امریکی شہر یویارک میں بوسٹرڈوزلگوانے والوں کے لئے ایک علان کیا گیا ہے کہ جس کے تحت شہریوں کو بوسٹر ڈوز لگوانے پر سو ڈالر دیئے جائیں گے۔
تفصیلات کے مطابق نیویارک کے سٹی میئر بل ڈی بلا سیونے یہ اعلان شہریوں کی جان کی حفاظت کو مد نظر رکھتے ہوئے کیا ہے کیو نکہ نیویارک میں رہنے والے افراد نے بوسٹر ڈوز لگوانے میں اپنی عدم دلچسپی کا اظہار کیا ہے اسی لئے انہیں ترغیب دلانے کی خاطر ویکسین لگوانے پر سو ڈالر انعام رکھا گیا ہے۔
واضح رہے کہ بوسٹرڈوزپر مالی انعام کا یہ اعلان اس وقت کیاگیا ہے جب نیویارک شہر کورونا وائرس کی نئی قسم اومیکرون کے پھیلاؤ کی وجہ کیسز میں بہت زیادہ اضافے سے نمٹ رہا ہے۔
امریکا میں کورونا کی نئی قسم اومیکرون بہت تیزی سے پھیل رہی اور ایک غیر ویکسین شدہ شخص کا انتقال بھی ہوگیا ہے۔
ماہرین صحت کا کہنا ہے کہ کورونا کی نئی قسم اومیکرون سے بچنے کا واحد راستہ ویکسی نیشن ہے۔ جن شہریوں کی ویکسی نیشن مکمل ہوچکی ہے اب انہیں بوسٹر ڈوزکے لئے آمادہ کیاجارہا ہے اور اسی لئے 100 ڈالرکا انعام بھی رکھا گیا تاکہ عوام کو اس نئے وائرس سے تحفظ دیا جاسکے، جبکہ کچھ جگہوں پر سختی سے عمل در آمد بھی کروایا جارہا ہے۔
واضح رہے کہ یویارک میں کورونا کے بڑھتے ہوئے کیسز کی وجہ سے دوبارہ پابندیاں عائد کی جارہیں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News