ڈاکٹریاسمین راشد کا کہنا ہےکہ احتیاط کریں یہ نہ ہوکہ ہمیں لاک ڈاؤن کی طرف جاناپڑے۔

پنجاب کی وزیر صحت ڈاکٹر یاسمین راشد نے میڈیا سے گفتگو کرتے ہوئے کہاکہ کورونا وبا میں اضافہ ہورہاہے،عوام سےاحتیاط کی اپیل ہے۔

ان کا کہنا تھا کہ 2 ڈوزلگوانےوالےبوسٹرڈوزلگوائیں، عوام کی صحت سڑکوں سےاہم ہے، صحت کارڈ سےتھیلسیمیا ودیگرامراض کاعلاج مفت ہوگا۔

وزیرصحت یاسمین راشد نے کہاکہ عوام کوریلیف دیناہمارامقصدہے،عوام کوصحت کی سہولت دیناوزیراعظم،وزیراعلیٰ کافرض تھا، حکومت اپنےوعدے پورےکررہی ہے۔

صوبائی وزیر نے کہاکہ 31 مارچ تک پورےلاہورمیں صحت کارڈدےدیں گے،خواجہ سراؤں کوبھی صحت کارڈفراہم کریں گے۔

کورونا ابھی ختم نہیں ہوا، سربراہ این سی او سی  

اسد عمر کا کہنا ہےکہ کورونا ابھی ختم نہیں ہوا، وبا میں ایک بار پھراضافہ ہورہا ہے۔

وفاقی وزیر برائے منصوبہ بندی اور این سی او سی کے سربراہ اسد عمر نے میڈیا سے گفتگو کرتے ہوئے کہاکہ عوام سےاپیل ہےویکسی نیشن کرائیں،آپ کی عمر30 سال سے زائد ہے تو بوسٹرڈوزلگوائیں۔

سربراہ این سی اوسی نے کہاکہ عوام وبا سے بچاؤ کےلئے ہر ممکن طور پراحتیاطی تدابیرپرعمل کریں۔

ملک بھر میں کورونا کی شدت میں اضافہ

این سی او سی کے مطابق کورونا وائرس سے گزشتہ چوبیس گھنٹوں میں 3 افراد جاں بحق ہوگئے، جس کے بعد اموات کی تعداد 28 ہزار 972 ہوگئی۔

پاکستان میں کورونا کے تصدیق شدہ کیسز کی تعداد 13 لاکھ 5 ہزار 707 ہوگئی۔

Statistics 10 Jan 22:
Total Tests in Last 24 Hours: 45,002
Positive Cases: 1649
Positivity %: 3.66%

Advertisement

Deaths :3
Patients on Critical Care: 617

— NCOC (@OfficialNcoc) January 10, 2022

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 649 نئے کیسز رپورٹ ہوئے۔

پنجاب میں 4 لاکھ 48 ہزار 91، سندھ میں 4 لاکھ 87 ہزار 668، خیبر پختونخوا میں ایک لاکھ 81 ہزار 757، بلوچستان میں 33 ہزار 659، گلگت بلتستان میں 10 ہزار 432، اسلام آباد میں ایک لاکھ 9 ہزار 396 جبکہ آزاد کشمیر میں 34 ہزار 704 کیسز رپورٹ ہوئے۔