صحت مند رہنے کے لئے اپنائیں بحیرہ روم کے خطے کے رہاشیوں کا بہترین غذائی پلان جو بیماریوں سے بچا کر آپ کو صحت مند رکھتا ہے۔

واضح رہے کہ اسے 2022 کی بہترین صحت بخش غذا قرار دیا گیا ہے۔

یو ایس نیوز اینڈ ورلڈ کی جانب سے ایک رپورٹ جاری کی گئی ہے جس میں 2022 کی بہترین غذاؤں کی ایک فہرست میں مسلسل 5 ویں سال بھی میڈیٹرینئن ڈائیٹ کو بہترین قرار دیا گیا ہے۔

یہاں ایک بات قابل غور ہے کہ یہ غذا مختلف غذاؤں کا مجموعہ ہوتی ہیں جن میں اجناس، پھل، سبزیاں اور خشک میوہ جات شامل ہوتے ہیں۔ لیکن ان کو ایک خاص تناسب کے ساتھ استعمال کیا جاتا ہے۔ جب ہی یہ نہ صرف جسم کو صحت مند رکھتی ہیں بلکہ کئی بیماریوں سے بچانے اور وزن کم کرنے میں بھی اہم کردار ادا کرتی ہیں۔

بحیرہ روم میں استعمال کی جانے والی عام غذاؤں میں پھل، سبزیاں، اجناس، خشک میوہ جات، مچھلی اور زیتون کا تیل شامل ہے ان میں کوئی غذا ایسی نہیں ہے جو جسم میں بیماری کا باعث بنے اسی لئے یہ کئی امراض جیسے عارضہ قلب، ذیابیطس اور موٹاپے سے تحفظ کے لئے بہترین قرار دی جاتی ہیں۔

ماہرین کے مطابق اس تحقیق سے یہ بات سامنے آئی ہے کہ لوگوں کی بڑی تعداد کا یہ خیال ہے کہ کم کھانا وزن میں کمی لاتا ہے لیکن اس کا حقیقت سے کوئی تعلق نہیں ہے کیونکہ اس طرح آپ بھوکے رہتے ہیں اس کے لئے ضروری ہے کہ کم کیلوریز والی غذا زیادہ استعمال کی جائے جس سے نہ صرف وزن کو بڑھنے سے بچایا جاسکتا ہے بلکہ جسم بھی صحت مند رہتا ہے۔

بحیرہ روم کی یہ غذا مختلف کیٹگریز جیسے ذیابیطس سے بچاؤ، بہترین نباتاتی غذا، دل کی بہترین صحت اور صحت بخش غذا وغیرہ میں سر فہرست رہی۔

واضح رہے کہ 40 غذائی پلان کی جان پڑتال کے بعد بحیرہ روم غذائی پلان کو فاتح قرار دیا گیا ہے اور یہ حیران کن نہیں ہے کیونکہ اس کے فوائد کی ایک طویل فہرست ہے۔

حالیہ رپورٹ میں یہ کہا گہا ہے کہ دل کی صحت اور ذیابیطس سے تحفظ دینے میں یہ غذائی پلان سب سے بہترین ہے۔ جبکہ دوسرے نمبرپر ڈیش ڈائیٹ رہی جو بلڈ پریشر کواعتدال میں رکھنے کے لئے استعمال کی جاتی ہے۔

بحیرہ روم کے اس غذائی پلان میں پھلوں، سبزیوں، اناج کے ساتھ کم چکنائی والے دودھ کا استعمال کیا جاتا ہے ساتھ ہی یہ ذیابیطس سے بچانے میں یا اسے کنٹرول کرنے میں معاون ثابت ہوتی ہے۔

لیکن حیرت انگیز طور پروزن میں کمی کے لئے سب سے کار آمد ڈائیٹ پلان میں ایٹکنز فاتح قرار پائی، واضح رہے یہ غذائی پلان 4 مراحل پر مشتمل ہوتا ہے جس کا آغاز نشاستہ سے کیا جاتا ہے اور پھر اس میں آہستہ آہستہ اضافہ کیا جاتا ہے۔

یہ غذا اس وقت تک استعمال کی جاتی ہے جب تک وزن کم نہ ہوجائے۔