ایک طرف جہاں دنیا روس یوکرین کی سرحدوں پر ہزاروں فوجی اور جنگی سازوسامان تعینات کرچکا ہے، امریکا روس کو دھمکیاں دے رہا ہے، نیٹو افواج اپنے طیارے روس کی جانب بھیج رہے ہیں، دنیا تیسری جنگ عظیم کے دہانے پر کھڑی ہے، وہیں برطانیہ کو اس جنگ کی صورت میں پیدا ہونے والے مرغیوں کے بحران کی فکر پڑ گئی ہے۔

برطانوی حکام کا کہنا ہے کہ یوکرین پر روسی حملہ برطانیہ میں چکن کا بحران پیدا کرسکتا ہے، کیونکہ یوکرین برطانیہ کے سب سے بڑے چکن سپلائرز میں سے ایک ہے۔

یوکرین برطانیہ کو ناشتے کے لئے 14 فیصد سیریلز بھی فراہم کرتا ہے، اور یہ کھاد کا ایک بڑا برآمد کنندہ بھی ہے۔ جو کہ برطانیہ کی کاشتکاری کی صنعت کے لیے اہم ہے۔

برطانیہ کے ایک سینئر حکومتی مشیر کا کہنا ہے کہ “بریگزٹ کے بعد برطانیہ اور یوکرین کے درمیان سیاسی، آزاد تجارتی اور تزویراتی شراکت داری کا معاہدہ تاریخی تھا۔ اس کی وجہ یہ ہے کہ روس کی طرف سے کسی بھی حملے کا اس نئی اور پھلتی پھولتی تجارت پر نمایاں اثر پڑے گا۔”

حکام کو خدشہ ہے کہ روسی صدر ولادیمیر پوتن کی فوج کے حملے سے یہاں سپلائی چین تباہ ہو سکتی ہے جو پہلے ہی ڈلیوری ڈرائیور کی قلت اور وبائی امراض کے بعد کے اثرات کی وجہ سے دباؤ میں ہے۔

یہ خطرہ اس وقت سامنے آیا جب یہ انکشاف ہوا کہ امریکی صدر جو بائیڈن نے خبردار کیا ہے کہ روس پر حملہ کرنے کا “واضح امکان” موجود ہے۔

ایک لاکھ سے زائد روسی فوجی یوکرین کی سرحد پر جمع ہیں، جو اس پیمانے پر زمینی جنگ کو بھڑکانے کی دھمکی دے رہے ہیں جو یورپ نے نسلوں میں نہیں دیکھی ہوگی۔