خیبرپختونخوا میں ہیلتھ ایمرجنسی میں تین ماہ کے لیے توسیع کر دی گئی۔

محکمہ صحت خیبر پختونخوا کی جانب سے جاری کردہ اعلامیے کے مطابق کورونا کی پانچویں لہر کے پیش نظر ہیلتھ ایمرجنسی میں تین ماہ کی توسیع کی گئی ہے۔

توسیع اومیکرون ویرینٹ سے پیدا ہونی والی صورتحال کی مد میں کی گئی ہے،  اس سلسلے میں تمام متعلقہ اداروں کو آگاہ کردیا گیا ہے۔

اعلامیے کے مطابق 31 مارچ 2022 تک ہیلتھ ایمرجنسی نافذ رہے گی۔

واضح رہےکہ  ہیلتھ ایمرجنسی 31 دسمبر 2021 کو ختم ہوئی تھی۔

24 گھنٹوں کے دوران کورونا سے دو افراد انتقال کر گئے

گزشتہ 24 گھنٹوں کے دوران ملک بھر میں کورونا سے مزید 2 افراد انتقال کرگئے۔

نیشنل کمانڈ اینڈ آپریشن سینٹر کے مطابق 24 گھنٹوں کے دوران ملک بھر میں کورونا کے مزید 630 نئے کیسز رپورٹ ہوئے۔

گزشتہ 24 گھنٹوں کے دوران 44 ہزار198 کورونا کے ٹیسٹ کیے گئے جبکہ ملک بھر میں کورونا مثبت کیسز کی شرح 1.42 فیصد ہوگئی ہے۔

اومیکرون کے 14 نئے کیسز رپورٹ

دوسری جانب ڈسٹرکٹ ہیلتھ آفیسر ڈاکٹر زعیم ضیا کا کہنا ہے کہ اسلام آباد اومیکرون کے مزید 14 نئے کیس سامنے آ گئے۔

اسلام آباد میں اومیکرون کے تصدیق شدہ کیسز کی تعداد 114 ہو گئی ہے۔

ڈی ایچ او کی جانب سے ہدایت کی گئی ہے کہ شہری ماسک لگائیں اور کورونا ویکیسنیشن لازمی کروائیں۔