گلیات: 4 دن سے جاری برف باری کا سلسلہ تھم گیا

ویب ڈیسک

24th Jan, 2022. 02:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلیات: 4 دن سے جاری برف باری کا سلسلہ تھم گیا

گلیات میں 4 دن سے جاری برف باری کا سلسلہ تھم گیا ہے۔

تفصیلات کے مطابق گلیات کے سیاحتی مقامات نتھیا گلی، ڈونگا گلی، چھانگلہ گلی، ایوبیہ اور ٹھنڈیانی میں 4 فٹ تک برف پڑھ چکی ہے، برف کی وجہ سے مین مری روڈ سمیت درجنوں دیہات کی رابطہ سڑکیں بند کردی گئی ہیں۔

ترجمان جی ڈی اے احسن امید کا کہنا ہے کہ گلیات کے دیہی علاقوں میں بجلی معطل ہے جس سے لوگوں کو اشیائے خورد و نوش کی کمی کا سامنا ہے، گلیات ڈویلپمنٹ اتھارٹی مین مری روڈ سے برف ہٹانے کے لیے ہیوی مشنری کا استعمال کر رہی ہے۔

ترجمان نے بتایا کہ آج شام تک ایبٹ آباد کو مری سے ملانے والی مین شاہراہ کو ٹریفک کے لیے بحال کر دیا جائے گا، ہمارا اسٹاف 24 گھنٹے سے برف ہٹانے کا آپریشن جاری رکھے ہوئے ہیں، گلیات کی رابطہ سڑکیں جو کہ سی اینڈ ڈبلیو کے ماتحت ہیں ان پر ابھی تک کام شروع نہیں کیا جا سکا۔

ترجمان جی ڈی اے احسن امید کے مطابق انتظامیہ دفاتر میں فوٹو سیشن تک محدود ہیں، پورے گلیات میں گلیات ڈویلپمنٹ اتھارٹی اور رسیکیو کے علاوہ کوئی محکمہ نظر نہیں آ رہا۔

واضح رہے کہ گزشتہ روز گلیات میں شدید برفباری کے پیشِ نظر سیاحوں کو سفر کرنے سے منع کر رکھا تھا۔