پی ٹی آئی سندھ کے صدر و وفاقی وزیر علی زیدی کا کہنا ہے کہ سندھ کے چور حکمرانوں کی آخری منزل جیل ہوگی۔
تفصیلات کے مطابق پی ٹی آئی سندھ کے صدر و وفاقی وزیر علی زیدی سے پی ٹی آئی رہنما مخدوم زین قریشی اور پیپلز پارٹی (ورکرز) کے چیئرمین سینیٹر ڈاکٹر صفدر عباسی کی ملاقات ہوئی ہے۔
ملاقات اسلام آباد میں وفاقی وزیر علی زیدی کے چیمبر میں ہوئی جبکہ ملاقات میں رہنماؤں نے سندھ کی صورتحال اور دیگر امور پر تبادلہ خیال کیا اور رہنماؤں نے علی زیدی کو پی ٹی آئی سندھ کا صدر بننے پر مبارکباد پیش کی۔
وفاقی وزیر علی زیدی کا کہنا تھا کہ سندھ میں زرداری مافیا کے خلاف تحریک کا آغاز ہو گیا ہے، زرداری مافیا کو اب سکون کا سانس نہیں لینے دیں گے۔
علی زیدی کا کہنا تھا کہ سندھ کے اداروں کو پاکستان پیپلز پارٹی دیمک کی طرح کھوکھلا کر رہی ہے، سندھ میں زرداری مافیا کے خلاف تحریک کا دائرہ وسیع ہوتا جائے گا۔
Advertisement
انہوں نے مزید کہا کہ سندھ کے چور حکمرانوں کی آخری منزل جیل ہوگی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
