اسلام آباد: پی ایس ایف لیول ون فزیکل ٹریننگ کورس کا آغازاسلام آباد میں ہوگیا ہے۔
تفصیلات کے مطابق پاکستان سکواش فیڈریشن کے زیراہتمام پی ایس ایف لیول ون فزیکل ٹریننگ کورس کا باقاعدہ آغاز مصحف سکواش کمپلیکس اسلام آباد میں ہو گیا ہے۔
کورس کا افتتاح پاکستان سکواش فیڈریشن کے سیکرٹری ارمغان عزیز نے کیا۔ اس موقع پران کا کہنا تھا کہ اس ٹریننگ کا مقصد ایتھلیٹس کو ذہنی و جسمانی طور پر مضبوط کرنا ہے۔
یاد رہے، انٹرنیشنل کوالیفائیڈ کوچ محمد کاشف اور قومی کوچ محمد بوٹا اس کورس کے انچارج ہیں۔ کورس میں تیرہ شرکاء حصہ لے رہے ہیں جن میں طیب عرفان، فضل، زہرہ عبداللہ، امہ کلثوم، آمنہ عامر، محمد آصف، محمد وسیم، ضیا اللہ، فراز محمد، محمد ثاقب، شکیل احمد، فضل شاہ اور آصف خان شامل ہیں۔
کورس میں ڈاکٹر شبینہ آفتاب ڈوپنگ ٹیسٹ کے حوالے سے اوراسپورٹس سائیکالوجسٹ قرت العین لیکچرز دیں گی۔ کورس کا دورانیہ ایک ہفتے محیط ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
