عوام میں مزید نااہل حکومت کو برداشت کرنے کی طاقت نہیں رہی، شیری رحمان

ویب ڈیسک

20th Jan, 2022. 01:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

عوام میں مزید نااہل حکومت کو برداشت کرنے کی طاقت نہیں رہی، شیری رحمان
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

عوام میں مزید نااہل حکومت کو برداشت کرنے کی طاقت نہیں رہی، شیری رحمان

نائب صدر پیپلز پارٹی سینیٹر شیری رحمان نے کہا ہے کہ عوام میں مزید نااہل حکومت کو برداشت کرنے کی طاقت نہیں رہی۔

شیری رحمان نے جاری کردی ایک بیان میں کہا کہ دی اکانمسٹ کے مطابق پاکستان مہنگائی کی شرح کے لحاظ سے دنیا میں تیسرے نمبر پر ہے، دی اکانمسٹ کی رپورٹ کے بعد عوام حکومت سے پوچھ رہی کیا اب بھی پاکستان خطے میں سستا ترین ملک ہے؟

ان کا کہنا تھا کہ ثابت ہو گیا حکومت کی طرف سے خطے کے ممالک کے ساتھ مہنگائی کا موازنہ جھوٹ پر مبنی تھا، دی اکنامسٹ کی رپورٹ منی بجٹ سے پہلے کی ہے، منی بجٹ کے بعد مہنگائی کی صورت حال مزید بد تر ہو رہی ہے۔

انہوں نے کہا کہ پوری دنیا کہہ رہی پاکستان میں مہنگائی بڑھ رہی ہے لیکن وفاقی حکومت تسلیم کرنے کو تیار ہی نہیں، آئے روز کابینہ ارکان کے مہنگائی متعلق مضحکہ خیز بیانات سامنے آتے ہیں۔

شیری رحمان کا کہنا تھا کہ عوام میں مزید مہنگائی اور نااہل حکومت کو برداشت کرنے کی طاقت نہیں رہی ہے۔

نائب صدر پیپلز پارٹی سینیٹر شیری رحمان نے مزید کہا کہ منی بجٹ کے تباہ کن اثرات آنا باقی ہیں یہی وجہ ہے پیپلز پارٹی مہنگائی اور نااہل حکومت کے خلاف 27 فروری کو لانگ مارچ کرنے جا رہی ہے۔