وزیر اطلاعات سندھ سعید غنی نے کہا ہے کہ ٹنڈوالہیار میں ایک قتل کی وجہ سے صورتحال خراب ہوئی ہے۔

سعید غنی نے پریس کانفرنس کرتے ہوئے کہا کہ پی ٹی آئی، ایم کیو ایم اور دیگر جماعتیں عوام کی توجہ منی بجٹ سے ہٹانا چاہتی ہیں، ٹنڈوالہیار میں ایک قتل کی وجہ سے صورتحاک خراب ہوئی ہے۔

ان کا کہنا تھا کہ پیپلز پارٹی وفاقی جماعت ہے ہمارے کارکنوں نے قربانیاں دی ہیں، جماعت اسلامی بھی تقسیم کی سیاست کرنا چاہتی ہے، سندھ حکومت کو کسی مخصوص لسانی جماعت بنا کر پیش کرنا زیادتی ہے، جنہوں نے ووٹ دے کر ایم کیو ایم کو آسمان پر پہنچایا ان کا خون بہایا ہے۔

انہوں نے کہا کہ ایم کیو ایم نے بے گناہ شہریوں کے بچوں کو قتل کروایا ہے، ایم کیو ایم کا ماضی کسی سے ڈھکا چھپا نہیں ہے، سندھ میں لسانی بنیادوں پر فساد پیدا کرنے کی کوشش کی جارہی ہے، جس قسم کی باتیں ٹنڈوالہ یار میں کیں وہ آگ لگانے کی کوشش ہے۔

سندھ سعید غنی کا کہنا تھا کہ آفاق احمد نے ایک ایشو پر آگ لگانے کی کوشش کی، ایک واقعہ کو بنیاد بنا کر صوبے میں لسانی تقسیم پیدا کرنے کی جارہی ہے، قانون نہیں پسند اس پر بات کریں ، تجاویز دیں۔

انہوں نے کہا کہ کسی کو شہر میں خونریزی کی اجازت نہیں دیں گے، جماعت اسلامی بھی تقسیم کی سازش کررہی ہے، ایم کیو ایم آج پھر وہی کرنا چاہ رہی ہے جو ماضی میں کیا، بلدیاتی قانون کو جواز بناکر لسانی فسادات کیے جارہے ہیں۔

ان کا کہنا تھا کہ بلدیاتی قانون کو جواز بناکر لسانی فسادات کیے جارہے ہیں، پیپلز پارٹی نے کراچی میں دہشتگردی کے خلاف بات کی ہے، لسانی فسادات کی سازش کی جارہی ہے۔

وزیر اطلاعات سندھ سعید غنی نے مزید کہا کہ ایم کیو ایم کا ماضی کسی سے ڈھکا چھپا نہیں، ایم کیو ایم کی وجہ سے کراچی اور ملک نے نقصان اٹھایا۔