مدینہ مسجد کو شہید کرنے کے عدالتی احکامات پر سعد رضوی کا اہم بیان سامنے آگیا

ویب ڈیسک

07th Jan, 2022. 08:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مدینہ مسجد کو شہید کرنے کے عدالتی احکامات پر سعد رضوی کا اہم بیان سامنے آگیا

مدینہ مسجد کو شہید کرنے کے عدالتی احکامات پر سعد رضوی کا اہم بیان سامنے آگیا ہے۔

کراچی میں مدینہ مسجد کو شہید کرنے کے عدالتی احکامات پر امیر تحریک لبیک پاکستان سعد رضوی نے اپنے بیان میں کہا ہے کہ جامع مسجد مدینہ کو گرانے کے عدالتی حکم پر دکھ ہوا۔

انہوں نے کہا کہ مسجد گرانے کا حکم کوئی مسلمان کیسے برداشت کرسکتا ہے ، موجودہ حکمرانوں کے گھروں کی غیر قانونی الاٹمنٹ چند پیسوں کے عوض قانونی ہو سکتی ہے تو مسجد کیوں نہیں؟

سعد رضوی نے کہا کہ ریاست مدینہ کا نعرہ لگانے والوں کو اگر گراؤنڈ کی اتنی ضرورت ہے تو اپنے گھر گرا کر گراؤنڈ بنا دیں گے ، موجودہ حکمران لوگوں کی نظروں میں تو گر چکے ہیں اب دلوں سے بھی گریں گے۔

امیر تحریک لبیک پاکستان نے کہا کہ اعلیٰ عدلیہ حالات کی نزاکت کو سمجھے نظام میں خرابیاں موجود ہیں لیکن مسلمانوں کی ریاست ہے ، ارباب اختیار کو معلوم نہیں کہ وہ کیا چاہتے ہیں۔

انہوں نے کہا کہ اگر مسجد گرانے کے احکامات کو مان لیا جائے تو پھر بابری مسجد شہید کرنے والوں کا کیا قصور ہے؟

سعد رضوی نے کہا کہ حکمران کان کھول کر سن لیں مسجد کو کبھی گرانے نہیں دیں گے۔