کھیلوں میں کرپشن اور جوئے کی روک تھام کیلئے وفاقی سطح پر قانون سازی کا عمل تاخیر کا شکار،وزات قانون نے قومی وزات بین الصوبائی رابطہ کی طرف سے بھیجے گئے بل ” Prevention of offences in sports act 2020   2020”پر قانون سازی کی مخالفت کر دی ہے۔

تفصیلات کے مطابق وزات قانون نے اپنی رائے میں قرار دیا ہے کہ 18ویں ترمیم کے بعد اسپورٹس صوبائی معاملہ بن چکا ہے جس پر وفاقی سطح پر قانون سازی نہیں کی جا سکتی،بل ایم کیو ایم کے رکن قومی اسمبلی اقبال محمد علی کی جانب سے پیش کیا گیا تھا۔

کھیلوں میں جرائم کی روک تھام کیلئے وزات بین الصوبائی رابطہ نے وزات قانون کی تجویز پر پی سی بی کی طرف سے تیار کیے گئے ڈرافٹ کو  منظوری کیلئے وزات داخلہ کو بھیجوایا ہے،جس پر وزات کو 2ماہ گزرنے کے باوجود ابھی تک کوئی جواب موصول نہیں ہوا۔

دوسری جانب پاکستان کرکٹ بورڈ نے بھی قائمہ کمیٹی میں اسی طرح کی قانون سازی کیلئے ایک ڈرافٹ جمع کرایا تھا جس پر مزید قانون سازی کیلئے وزات قانون نے وزات داخلہ کی منظوری لازمی قرار دی تھی ۔

وزات بین الصوبائی رابط نے وزات داخلہ کو پی سی بی کے ڈرافٹ کی اصولی منظوری کیلئے بھیجا مگر کئی ماہ گزرنے کے باوجود وزات کو ابھی تک کوئی جواب موصول نہیں ہوا۔

منسٹری آف آئی پی سی نے قائمہ کمیٹی کو آگاہ کیا ہے کہ گزشتہ ماہ کی 15تاریخ کو وزات قانون کو اس حوالے سے یاد دہانی بھی کرائی گئی تھی۔