شعیب اختر نے 20 انتہائی باصلاحیت پاکستانی فٹبال کھلاڑیوں کے لیے زندگی کو بدل دینے والے کیریئر کے مواقع کا آغاز کردیا ہے۔

اس اقدام کی شروعات گلوبل ساکر وینچرز (جی ایس وی ) نیکسٹ جنریشن ساکر ٹرائلز ،کامیاب جوان اسپورٹس ڈرائیو کے تعاون سے کررہا ہے ۔

دنیا کے تیز ترین بولر ،شعیب اختر نے اپنی نگاہیں پاکستان میں فٹبال کو فاسٹ ٹریک پر آگے لے جانے کی کوششوں پر مرکوز کر دی ہیں اور اب ، شعیب اختر کے ساتھ برطانیہ اور آئرلینڈ جانے والے راستے میں کوئی رکاوٹ نہیں ہے۔

شعیب اختر،گلوبل ساکر وینچرز کے ہمراہ، پاکستان میں فٹبال کے مستقبل کوبہتر شکل دینے میں ایک اہم کردار ادا کریں گے۔

  پاکستان میں منعقد ہونے والے اِن ٹرائلز پر جی ایس وی کثیر سرمایہ کاری کر رہاہے اور ساتھ ہی قومی سطح پر UEFA اسکاوٹنگ اسیسمنٹ بھی کر رہا ہے تاکہ پاکستان کے  10 شہروں میں واقع 11 مقامات پر ٹیلنٹ تلاش کیا جاسکے اور آئرلینڈ میں،پیشہ ورانہ فٹبال کے معاہدوں کی صورت میں،اْنھیں زندگی بدل دینے والے کیرئیرز پیش کیے جا سکیں۔

اس دورے میں کراچی، لاہور، اسلام آباد اور کوئٹہ میں منعقد کی جانے والی 4 ماسٹر کلاسز بھی شامل ہیں جن کا مقصد سینٹ پیٹرکس فٹبال کلب کے ترقیاتی پروگرام کے ذریعے مقامی کوچنگ میں یورپی معیار کی مہارت پیدا کی جا سکے۔

 صلاحیتوں کی بنیاد پر، اِن ماسٹر کلاسز میں شرکت کے لیے 15ـ25 کوچز کا انتخاب ہوچکا ہے جنھیں فٹبال کوچنگ کے طریقہ کار  اور صلاحیتیں بہتر بنانے کے علاوہ دیگر مہارتیں بھی منتقل کی جائیں گی اور اس طرح وہ پاکستان میں سند یافتہ ٹرینـدیـٹرینر بن سکیں گے اور کامیاب جوان اسپورٹس ڈرائیو کے تحت ایک پائیدار رول آؤٹ پلان دے سکیں گے۔

گلوبل ساکر وینچرز کے چیئرمین یاسر محمود نے کہا کہ فٹبال، پاکستانی کھلاڑیوں کو ترقی دینے اورانہیں مواقع فراہم کرنے کی صحیح وجوہات کی بناء پر یہاں موجود ہے۔

ان کا کہنا تھا کہ لیجنڈری فاسٹ بولر اور دنیائے کرکٹ میں ایک جانا پہچانا نام شعیب اختر فٹبال کی ساکھ کو ہماری قوم کے ذہنوں میں سے سے پہلے لانے  کے لیے تبدیلی کا کردار ادا کرنے میں مدد کریں گے۔

گلوبل ساکر وینچرز کے چیف ایگزیکٹو آفیسر زیب خان نے کہا کہ کھیلنا ہی کسی کھلاڑی کے لیے زندگی کمیں سب سے زیادہ اہمیت رکھتا ہے،پاکستان میں فٹبال عوامی سطح پر بالکل ختم ہو چکا ہے۔

ان کا کہنا تھا کہ  میں راولپنڈی ایکسپریس شعیب اختر کو خوش آمدید کہتا ہوں کہ وہ جی ایس وی کے شانہ بشانہ کھڑے ہیں اور پاکستان کی نئی نسل سے تعلق رکھنے والے فٹبالرز میں امید کی ایک نئی کرن پیدا کر رہے ہیں۔

برطانیہ کے ڈپٹی ہائی کمشنر ایلی سن بلیک برن نے کہا کہ فٹبال محض کھیل نہیں ہے، یہ برطانیہ میں بہت سے لوگوں کا طرز زندگی ہے اور کھیلوں سے محبت رکھنے والے ملک پاکستان میں اسے انتہائی مقبول ہوتا ہوا دیکھنا زبردست بات ہوگی۔

انہوں نے کہا کہ  مجھے خوشی ہے کہ یہاں پاکستان کے باصلاحیت اورنوجوان کھلاڑیوں کو جی ایس وی نے موقع فراہم کیا ہے کہ وہ سینٹ پیٹرکس ایتھلیٹک فٹبال کلب سے تعلق رکھنے والے  UEFA کے بہترین کوچز سے سیکھیں۔

بیلجیم سے تعلق رکھنے والے اور UEFAکے لائسنس یافتہ کوچ، کارل فرائے نے کہا کہ فٹبال کا کھیل ہر شخص کے لیے ہے اور میں ایسے ٹیلنٹ کی تلاش میں ہوں جس کی صلاحیتوں کو نکھار کر یورپ میں پیشہ ورانہ کھلاڑی کے طور پر پیش کیاجا سکے۔

ان کا کہنا تھا کہ پاکستان میں فٹبال کی تیکنکی مہارت دیکھ کر میں بہت پرجوش ہوں کیوں کہ میں دیکھ رہاہوں کہ ٹرائل کے دوران ہر گھنٹے رجسٹریشن کی تعداد میں اضافہ ہو رہا ہے۔

وزیراعظم کے معاون خصوصی برائے اْمور نوجوانان اور چیئرمین کامیاب جوان پروگرام  عثمان ڈار نے کہا کہ وزیر اعظم عمران خان کی حکومت میں کھیلوں کی بحالی کو اولین ترجیح حاصل ہے،میں پاکستان میں فٹبال کی بحالی کی کوششوں پر جی ایس وی کو مبارکباد دیتا ہوں۔

ان کا کہنا تھاکہ جی ایس وی کے فٹبال ٹیلنٹ ہنٹ مہم اور وزیر اعظم کا کامیاب جوان پروگرام مل کر مستقبل کے کامیاب جوان ہیروز تیار کریں گے جوقومی اور بین الاقوامی سطح پر پاکستان کی نمائندگی کریں گے۔

سینٹ پیٹرکس فٹبال کلب کے صدر گیریٹ کیلے ہار نے کہا کہ یہ بات قابل تعریف ہے کہ وسائل اب پاکستان میں بھی استعمال کیے جا رہے ہیں تاکہ فٹبال روزمرہ زندگی میں اْن کے لیے متاثرکن بن سکے جو، دنیا بھر میں اور اعلیٰ ترین سطح پر پاکستان کی نمائندگی کرنے والے شعیب اختر کی طرح،اپنے خوابوں اور خواہشات کو پورا کرنے کا جنون رکھتے ہیں۔

آئی ٹیل (Itel) کے چیف ایگزیکٹو آفیسرذیشان یوسف نے کہا کہ  دنیا کا انتہائی مقبول کھیل جسے تقریباً4 ارب افراد دیکھتے ہیں، پاکستان میں فٹبال میں حرارت پیدا کرنے والا ہے،یہ انتہائی قابل دید اور عالم گیر کھیل ہے۔

ان کا کہنا تھاکہ مجھے جی ایس وی کے اس لیگیسی پروجیکٹ کی جو بات بہت زیادہ پرجوش بناتی ہے وہ20 کامیاب بچوں کی زندگی میں تبدیلی لانا ہے جویورپ کی جانب زندگی بدل دینے والے سفر کا آغاز کریں گے۔

 ان کا کہنا تھا کہ پاکستانی ٹیلنٹ کے لیے یہ ایسا موقع ہے جو زندگی میں صرف ایک مرتبہ ملتا ہے کہ وہ ترقی کریں اور پیشہ ورانہ معاہدے کریں تاکہ دنیا کا سامنا کر سکیں اور بین الاقوامی سطح پر پاکستان کی نمائندگی کر سکیں،یہ کس قدر عمدہ بات ہے۔