ایران میں مسافر طیارے نے سڑک پر ہنگامی لینڈنگ کی جس کے باعث 5 افراد زخمی ہوگئے۔

غیر ملی خبررساں ادارے کے مطابق ایرانی فضائی کمپنی کیسپین ایئرلائن کے بوئنگ طیارہ 400-737 نے ایران کے شہر مشہد سے مقامی وقت کے مطابق 5 بجے اڑان بھری لیکن اصفہان ایئرپورٹ پر لینڈ کرنے سے پہلے طیارے کے گیئر میں خرابی آنے کے باعث ہنگامی لینڈنگ کرنا پڑی۔

طیارے نے ایران کے شہر اصفہان کی ایک سڑک پر ہنگامی لینڈنگ کی جس کے نتیجے میں جہاز میں بیٹھے 5 مسافروں کو معمولی چوٹیں آئیں تاہم جہاز میں سوار 108 مسافر محفوظ رہے۔

Caspian Airlines 737-4 (EP-CAP)from Najaf, #Iraq to Tehran, #Iran, suffered an apparent landing gear problem which forced it to land in Isfahan. pic.twitter.com/zVGendGLKa

Advertisement

— IntelOmarion (@IntelOmarion) January 6, 2022

طیارے کی ہنگامی لینڈنگ کے بعد اس میں موجود مسافروں اور عملے کو اسی مقام پر ہنگامی طور پر ایک سلائیڈ نما سیڑھی کے ذریعے نیچے اتارا جس کی ویڈیوز بھی سوشل میڈیا پر وائرل ہورہی ہیں۔

ویڈیو میں دیکھا جاسکتا ہے کہ طیارے میں سوار مسافر ایک سلائیڈ کے ذریعے نیچے اتررہے ہیں اور وہاں موجود عملے کا ایک شخص ان کی مدد کررہا ہے۔

Caspian AL Boeing 737-400 (EP-CAP, built 1992) suffered left main gear collapse on landing at Isfahan Airport (OIFM), Iran. The aircraft came to a stop on soft, flat ground. All 108 occupants on flight #RV6904 from Mashhad are safe.https://t.co/GJM8Z828WA pic.twitter.com/eLRteufUCl

Advertisement

— JACDEC (@JacdecNew) January 5, 2022

خیال رہے گزشہ سال بھی ایک ایرانی طیارے میں فنی خرابی آنے کے باعث ایئرپورٹ سے باہر ہی ہنگامی لینڈنگ کرنا پڑی تھی تاہم اس حادثے میں بھی تمام مسافر محفوظ رہے تھے۔

رپورٹس کے مطابق ایران کے دیگر طیاروں کی طرح کیسپین ایئرلائن کے طیارے بھی پرانے ہوچکے ہیں جس کی تصدیق چند روز پہلے خود ایران کے سول ایوی ایشن کے سربراہ نے ایک بیان میں کرتے ہوئے کہا کہ ہم ایئربس اور اے ٹی آر طیاروں کے معاملے کو اسپیئر پارٹس کی عدم فراہمی پر عدالت لے جانے کا ارادہ رکھتے ہیں۔