تھر کے لوگ تھر کے کوئلے کے مالک ہیں، وزیراعلیٰ سندھ

تھر کے لوگ تھر کے کوئلے کے مالک ہیں ، وزیراعلیٰ سندھ

ویب ڈیسک

16th Jan, 2022. 09:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تھر کے لوگ تھر کے کوئلے کے مالک ہیں ، وزیراعلیٰ سندھ

وزیراعلیٰ سندھ نے کہا ہے کہ تھر کے لوگ تھر کے کوئلے کے مالک ہیں۔

وزیراعلیٰ سندھ سید مراد علی شاہ نے تقریب سے خطاب کرتے ہوئے کہا کہ میں آج اس پروگرام میں شریک ہوکر خوشی محسوس کررہا ہوں۔

انہوں نے کہا کہ اربابِ لطف میرے پاس آئے ،انہوں نے کہا 10 سال کے بعد ڈیزرٹ چیلنج منعقد کرنا چاہتے ہیں جس پر میں نے کہا میری مکمل سپورٹ ہوگی۔

وزیراعلیٰ سندھ کا کہنا تھا کہ ہم ہر سال تھر اور دیگر اضلاع میں اس قسم کے فیسٹیول کروائیں گے، اگر کوئی تھر آنا چاہے تو ہم نے تھر میں ائیرپورٹ بنایا ہے، آپ جہاز لے اور لینڈ کریں۔

مراد علی شاہ نے کہا کہ میں نے جام کمال کو تھر کول مائنز کا دورہ کرنے کی دعوت دی، تھر اب پاکستان کو بدلے گا۔

ان کا کہنا تھا کہ اگلی سردیوں میں ہم 3 سے 4 ایونٹ کریں گے، جب تھر میں اچھی بارش ہوگی ہم اُن کا ایونٹ بھی منعقد کریں گے۔

وزیراعلیٰ سندھ سید مراد علی شاہ کا کہنا تھا کہ تھر کے لوگ تھر کے کوئلے کے مالک ہیں، تھر کول سے جو سندھ سے رایلٹی ملتی ہے وہ ہم تھر فائونڈیشن کو دیتے ہیں اور تھر فائونڈیشن یہاں کے لوگوں پر خرچ کرے گی۔