کیوی ایک ترش ذائقے والا پھل ہے جو باہر سے چیکو سے ملتا جلتا خاکی اور اندر سے کھیرے یا ککڑی جیسا تروتازہ سبز رنگ کے گودے والا رس دار پھل ہے۔

یہ پھل چین سے تعلق رکھتا ہے جو مغربی ممالک میں میٹھے پکوانوں میں استعمال کیا جاتا ہے جبکہ اب پاکستان میں بھی دستیاب ہے البتہ نایاب ہونے کی وجہ سے یہ پھل مہنگا مگر غذائیت سے بھرپور پھل ہے۔

کیوی کو اس کی غذائی خصوصیات کی وجہ سے دنیا بھر میں بےحد اہمیت حاصل ہے، کیوی پھل میں کئی طرح کے حیاتین اور ایسے غذائی اجزا پائے جاتے ہیں جو آپ کو تونائی فراہم کرتے ہیں۔

کیوی میں موجود غذائیت

کیوی ذائقے میں ترش ہوتا ہے یعنی اس میں وٹامن سی کی بھرپور مقدار موجود ہوتی ہے کیوی پھل کی 100 گرام مقدار میں ایک سو 54 فیصد وٹامن سی پاہا جاتا ہے جو دیگر ترش پھلوں کے مقابلے کئی زیادہ ہے، وٹامن سی طاقتور اینٹی آکسیڈنٹ ہے جو جسم سے زہریلے مادوں اور کینسر کا سبب بننے والے عناصر کے اخراج میں مدد دیتا ہے۔

اس کے علاوہ کیوی میں وٹامن ای، وٹامن کے، پوٹاشیم اور فولیٹ کی بھی وافر مقدار موجود ہوتا ہے۔

کیوی کے حیران کن فوائد

شوگر کے مریضوں کے لئے مفید

100 گرام کیوی میں صرف 5 گرام گلوکوس ہوتا ہے جو کہ اسے شوگر کے مریضوں کے لئے بہترین پھل بناتا ہے، کیوی بلڈ شوگر لیول کو متوازن رکھتا ہے اس میں گلیسمک انڈکس بےحد کم ہوتا ہے جبکہ میٹھا کھانے کی خواہش بھی پوری ہو جاتی ہے۔

دمہ کے مریضوں کے لئے مفید

  کیوی دمہ جیسی سانس کی بیماریوں کو بہتر کرنے کے لئے مفید ہے اگر آپ دمے کے مرض سے نجات چاہتے ہیں تو کیوی کو ہفتے میں 2 سے 3 بار لازمی استعمال کریں اس کے علاوہ حاملہ خواتین کے لئے بھی کیوی کا استعمال بےحد مفید ہے۔

ہاضمے کے لئے مفید

کیوی ایک رسیلا پھل ہے اور اس میں پانی بھی وافر مقدار میں موجود ہوتا ہے، یہی وجہ ہے کہ کیوی ہاضمے کے لئے بھی بہترین ہے اور اس میں بھاری مقدار میں فائبربھی موجود ہوتا ہے جو اسے جلد ہضم بناتا ہے۔

کینسر میں مفید

کینسر جیسی مہلک بیماری میں بھی کیوی کا استعمال مفید ہے ماہرین کے مطابق کیوی منہ کے کینسر سے بچاتا ہے اس میں موجود وٹامن سی جسم میں موجود فری ریڈیکلز سے لڑتا ہے اور کینسر کے خدشات کو کم کرتا ہے۔

امراضِ قلب میں مفید

کیوی میں پوٹاشیم کی بھاری مقدار موجود ہوتی ہے جو کہ دل کی صحت کے لیے ضروری غذائی جُز ہے، مطالعات سے پتہ چلتا ہے کہ صرف پوٹاشیم ایسا غذائی جُز ہے جو کہ دل کی بیماریوں کے خلاف ڈرامائی طور پر حفاظتی اثر ڈال سکتا ہے یہی وجہ ہے کہ کیوی کا استعمال امراضِ قلب سے بچاتا ہے۔