ایرانی سپریم لیڈر کی ویب سائٹ پر امریکا کے سابق صدر ڈونلڈ ٹرمپ کو قتل کرنے کی اینیمیٹڈ ویڈیو جاری کی گئی ہے۔

غیرملکی خبررساں ادارے کی رپورٹ کے مطابق ایران کی جانب سے یہ ویڈیو ایرانی جنرل قاسم سلیمانی کے قتل کی برسی کے موقع پر ریلیز کی گئی ہے جسے ڈونلڈ ٹرمپ کی حکومت کے دوران امریکی فوج نے بغداد میں ایک ڈرون حملے میں قتل کردیا تھا۔

ایران کے سپریم لیڈر کی ویب سائٹ سے جاری ہونے والی ویڈیو میں جدید ترین ڈرون ٹیکنالوجی کا استعمال کرتے ہوئے ایک روبوٹ کے ذریعے ڈرون حملے میں سابق امریکی صدر ڈونلڈ ٹرمپ کی ہلاکت کی فرضی منظر کشی کی گئی ہے۔

https://t.co/CrLpUB1Uvr publishes "one of selected works in Hero Campaign”
Named “Revenge Is Definite,” animation shows former U.S. Secretary of State Pompeo & President Trump being targeted by LAW and drone while playing golf at Mar-a-Lago referred to as "Trump's House" pic.twitter.com/zHS3ktGYKZ

Advertisement

— Sobhan Hassanvand 📰 سبحان حسنوند (@Hassanvand) January 13, 2022

ویڈیو میں امریکی ریاست فلوریڈا میں ڈونلڈ ٹرمپ کا گھر دکھایا گیا ہے جہاں وہ پام بیج میں گولف کھیلنے میں مصروف ہیں اور اس موقع پر ان کے ہمراہ سابق امریکی وزیرخارجہ مائیک پومپیو بھی موجود ہیں۔

ویڈیو میں یہ پیغام دیا گیا کہ جس کسی نے بھی ایرانی پاسدارانِ انقلاب کی قدس فورس کے سربراہ جنرل قاسم سیلمانی کو قتل کیا اور جس نے اس کا حکم دیا، دونوں کو اس کا حساب دینا پڑے گا اور ان سے بدلہ ضرور لیا جائے گا۔

Jen Psaki refuses to condemn a video from Iran's Supreme Leader that depicts a drone strike killing President Trump. pic.twitter.com/k8Cscy0pME

Advertisement

— RNC Research (@RNCResearch) January 13, 2022

دوسری جانب ٹوئٹر پر وائرل ہونے والی ایک ویڈیو میں جب وائٹ ہاؤس کی پریس سکریٹری جین بیسکی سے سابق امریکی صدر کی قتل کی ویڈیو سے متعلق سوال کیا گیا تو انہوں نے کسی قسم کا جواب دینے سے انکار کرتے ہوئے کہا کہ ایرانی سپریم لیڈر کی جانب سے ایک اشتعال انگیز ویڈیو جاری کی گئی ہے لیکن میں اس پر کسی قسم کا تبصرہ نہیں کروں گی۔