دنیا میں فون اور میسجنگ کی مشہور ایپ واٹس ایپ عین فیس بک مینشن جیسا فیچر پیش کیا ہے۔ اب گروپ میسج میں کوئی آپ کی بات کرے گا یا آپ کو جواب دے گا تو اس کا نوٹفکیشن بھی فوری طور پر محسوس کیا جاسکے گا۔

یہ آپشن @ اور اس کے بعد آپ کے نام کے ساتھ نمایاں ہوگا لیکن امکان ہے کہ ایک گروپ میں ہی سامنے آئے گا کیونکہ یہ گروپ میں ہی ممکن ہے۔ اب ایک اور آپشن کے تحت آپ اس فرد کی پروفائل تصویر بھی دیکھ سکیں گے۔ اگرچہ یہ ایک معمولی سی تبدیلی ہے لیکن واٹس ایپ کا یہ قدم ایپ کا استعمال بہت بہتر کرسکے گا۔

لیکن اس کے لیے ضروری ہے کہ آپ اس ایپ کو اپ ڈیٹ کریں تاکہ تمام فیچرز دیکھ سکیں۔ اگرچہ ٹیکنالوجی اور ایپ کی کئی ویب سائٹ نے واٹس ایپ کے اس آپشن اور پروفائل تصویر ظاہر ہونے کی خبر دی ہے لیکن سافٹ ویئر کے بی ٹا ورژن پر نظر رکھنے والی ایک ویب سائٹ نے کہا ہے کہ واٹس ایپ نے آئی او ایس کے لیے بھی اپنی ایپ کے ورژن کو عجیب انداز میں تبدیل کیا ہے۔ اس سے ظاہر ہوتا ہے کہ واٹس ایپ مزید تبدیلیاں بھی لے کر آئے گا اور 2022 میں مزید اپ ڈیٹ پیش کرے گا۔