ویسے تو آئی فون خریدنا امیروں کا مشغلہ ہے، لیکن اگر کوئی مڈل کلاس اس لگژری کو خرید بھی لیتا ہے تو اسے مینٹین کرنا بھی اپنے آپ میں ہاتھی پالنے کے مترادف ہے۔

آئی فون سے جڑی اشیا، مثلاً چارجر، کیبل یا ہیڈفونز اتنے مہنگے ہوتے ہیں کہ انہیں افورڈ کرنا ہر ایک کے بس کی بات نہیں۔

تاہم، اب آئی فون صارفین کے لیے پیسے بچانے کی ایک کارآمد چال کا انکشاف ہوا ہے۔

That Turtleneck Guy  نامی ٹک ٹاکر کے مطابق، ایپل کی خراب ہوجانے والی چارجنگ کیبلز کو مفت میں تبدیل کرنے کا ایک طریقہ موجود ہے۔

اگرچہ کچھ شرائط ہیں جن سے آگاہ ہونا ضروری ہے۔

مذکورہ ٹک ٹاکر نے اپنی ویڈیو میں بتایا کہ “آپ اپنے آئی فون، آئی پیڈ یا میک بُک چارجر کو ایپل سے مفت میں کیسے تبدیل کر سکتے ہیں۔”

انہوں نے بتایا کہ “اگر آپ کے پاس اب بھی آپ کے آلات جیسے آئی پیڈ، آئی فون، یا میک بک پر وارنٹی ہے، تو ایپل ایک سال تک ان وارنٹی کے تحت کیبلز کو تبدیل کرنے کا مجاز ہے۔”

لہٰذا پچھلے 12 مہینوں میں ناقص تار کے ساتھ حالیہ آئی فون خریدنے والا کوئی بھی شخص خوش قسمت ہو سکتا ہے۔

لیکن ابھی بھی کچھ اور رکاوٹیں ہیں جن پر نظر رکھنا ہے۔

@thatturtleneckguy

Advertisement

Free Charging Cable #money #finance #apple #business #iphone #applesquad #appletips #student #foryourpage

♬ TIME IN OBLIVION – iANO

Hip2Save  کے مطابق، چارجر یا کیبل میں کوئی ظاہری اور جسمانی نقصان کی علامت نہیں ہونی چاہئیں۔

ان لوگوں کے لیے جن کی کیبل جسمانی نقصان سے پاک ہے اور واضح طور پر ٹھیک سے چارج نہیں کر رہی اور وارنٹی کے اندر ہے، تو آپ اسے تبدیل کروا سکتے ہیں۔

اس کے لیے آپ کو پہلے ایپل کے اسٹورز میں سے ایک پر جینیئس بار اپائنٹمنٹ بُک کرنے کی ضرورت ہوگی۔

اپنی ایپل پروڈکٹ، متاثرہ کیبل اور اپنی رسید ساتھ لائیں۔

کچھ صارفین نے اطلاع دی کہ یہ طریقہ کام کرتا ہے جبکہ دوسروں کا کہنا ہے کہ ایسا نہیں ہوا۔

تاہم، جب ایپل کی کسٹمر سروس کے نمائندے سے آن لائن بات کی تو حل کام کرتا دکھائی دیا، حالانکہ آپ کو ابھی بھی کیبل کو اسٹور میں لے جانے کی ضرورت ہوگی تاکہ اسے صحیح طریقے سے چیک کیا جاسکے۔