پاکستان شوبز انڈسٹری کے اداکار احسن خان نے ڈراموں کے انتخاب کے حوالے سے بات کر لی۔

احسن خان نے برطانوی نشریاتی ادارے کو خصوصی انٹرویو دیتے ہوئے ڈراموں میں اپنے کرداروں کے حوالے سے بات کی۔

اداکار احسن خان نے بتایا کہ وہ ڈراموں میں ایسے کردار ادا کرتے ہیں جن سے معاشرے کو کوئی آگاہی مل سکے۔

اداکار احسن خان نے اپنے حال ہی میں نشر ہونے والے ڈراموں کے بارے میں بات کرت ہوئے کہا کہ ڈراموں میں ہم کئی بار ایسا کچھ دِکھانا چاہتے ہیں کہ بس آپ اس پہلو کو چھیڑ دیں اجاگر کردیں تاکہ لوگوں کو اس سے کوئی آگاہی حاصل ہوسکے۔

اُنہوں نے حال ہی میں نشر ہونے والے اپنے ڈرامے’قصّہ مہربانو‘ کے بارے میں بات کرتے ہوئے کہا کہ  اس ڈرامے کی کہانی کو دِکھانے کا مقصد صرف یہ تھا کہ کم ازکم اس موضوع پر بات کی جائے۔

انہوں نے مزید کہا کہ اگر کوئی میریٹل ریپ جیسی زیادتی کا شکار ہےتو لوگوں کو پتاچل سکے کہ یہ پاکستان میں قانونی طور پر بھی ایک غلط چیز ہےاور یہ اخلاقیات کے زمرے میں بھی نہیں آتا۔

احسن خان نے مزید کہا کہ اس حوالے سے بات کرنا بہت ضروری ہے لیکن لوگ شاید اس بارے میں بات کرنے سے تھوڑا شرماتے ہیں اور گھبراتے ہیں۔