گزشتہ سال 25 دسمبر کو خلائی سفر پر روانہ کی گئی ہبل کی پیش روخلائی دوربین جیمز ویب اسپیس ایک ماہ بعد اپنی منزل مقصود پر پہنچ گئی ہے ، جہاں سے وہ کائنات کا مشاہدہ کرے گی۔
ناسا کے مطابق دس ارب ڈالر کی لاگت سے بننےوالی جیمز ویب اسپیس زمین سے 15 لاکھ کلومیٹر کا سفر تیس دن میں مکمل کرتے ہوئے اپنے پارکنگ مدار (لیگرینگ پوائٹ 2 )میں پہنچ گئی ہے۔
کائنات کا مشاہدہ کرنے کے لیے اس جگہ کو خلائی دوربین کے لیےسب سے بہترین مقام تصور کیا جاتا ہے۔ جیمز ویب کے چیف انجینئر چارلی ایٹکنس کا اس بارے میں کہنا ہے کہ زمین پر موجود کنٹرولرز آنے والے چند ماہ جیمز ویب کو خلائی تحقیق کے لیے تیار کرنے میں صرف کریں گے۔
سب سے اہم مرحلہ اس مشاہدہ گاہ کے چار انسٹرومنٹس کی سوئچنگ کے ساتھ ساتھ اس کے آئینوں پر توجہ مرکوز کرنا ہے، تاکہ 18 بنیادی آئینوں کے ٹکڑے مل کر 21 اعشاریہ 3 فٹ کے ایک آئینے کے طورپر اپنا کام سر انجام دے سکیں۔
اب مکمل طور پر نصب کی جانے والی اس خلائی دوربین میں 18 ٹکڑے ایک ملی میٹر کے فاصلے سے لگائے گئے ہیں۔ جب کہ صاف اور واضح فوکس کے لیے اس ترتیب کو انتہائی باریکی سرانجام دینا ہوگا۔
Advertisement
اس بابت چارلی کا کہنا ہے کہ دوربین کا بنیادی آئینہ ٹکڑوں میں ہے اور ان ٹکڑوں کو روشنی کی ویو لینتھ کے فریکشن میں الائین ہونے کی ضرورت ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
