پاکستان سمیت دنیا بھر میں نئے سال کو خوش آمدید کہنے کے لیے من چلوں کا جوش وخروش عروج پر پہنچ گیا،سال 2022 کا شاندار استقبال جوش و خروش کے ساتھ کیا جارہا ہے۔

 تفصیلات کے مطابق ملک بھر میں خوشیوں سے بھرے سال 2022 کا آغاز ہوگیا اور ہر کوئی اس نئے سال کو خوشی سے منایا جا رہا ہے خاص طور پر نوجوان نسل اس سال کو منانے کے لیے اپنے دوستوں اور گھر والوں کے ساتھ مصروف ہیں۔

دنیا بھر میں نیوائیرنائٹ پرجوش وولوے کے اظہار کیلئے خصوصی انتظامات مکمل ہو گئے ہیں، اس خاص موقع پر ڈانس پارٹیاں اورمحافل بھی سجائی گئی ہیں۔

نیوائیرنائٹ پرڈانس پارٹیوں کےانتظامات کے لیے جہاں زندگی کے مختلف شعبوں سے تعلق رکھنے والے بااختیار اور امیرافراد متحرک ہیں تو وہاں نجی تعلیمی اداروں میں پڑھنے والے طلباو طالبات کا کردار بھی کچھ کم نہیں۔

اس نئے سال پر اس سال کی خیروبرکت کی دعائیں بھی کی گئی ہے کہ 2022 ہر کسی کے لیے خوشیوں بھرا ثابت ہو اور خاص کر پاکستان کے لیے بھی یہ سال خوشیوں بھرا ثابت ہو۔

دوسری جانب نیوائیر نائٹ کے موقع پر آتش بازی، فائرنگ، ون ویلنگ اور ہلڑ بازی پر پابندی لگا دی گئی ہے۔

نیو ائیر کے موقع پر امن و امان برقرار رکھنے کیلئے فوول پروف سیکیورٹی فراہم کی جائے گی جبکہ شراب نوشی اور ہوائی فائرنگ کرنے والوں کے خلاف سخت ایکشن لیا جائے گا۔