پوری انسانی تاریخ سائنس دانوں کی جانب سے جانوروں پر کچھ عجیب اور غیر اخلاقی تجربات سے بھری پڑی ہے۔ جن میں سے اکثر چونکا دینے والے جبکہ کچھ انتہائی دلچسپ ثابت ہوئے ہیں۔

صدیوں سے، سائنس دانوں کا ماننا ہے کہ طب، جینیات اور فزیالوجی جیسے شعبوں کے بارے میں انسانوں کی بہتر تفہیم کے لیے جانوروں پر تجربات ضروری ہیں۔

لیکن پھر بھی، ان سائنسی فوائد کے باوجود، جانوروں پر تجربات کو ایک بہت ہی غیر اخلاقی اور متنازع عمل سمجھا جاتا ہے۔

اور یہ کوئی تعجب کی بات بھی نہیں کیوں تاریخ میں کچھ ایسے تجربات کئے گئے ہیں جنہیں پاگل پن سے بھرپور کہا جاسکتا ہے۔ چاہے وہ ٹائیگر اور شیر کے ملاپ سے پیدا ہونے والا لائگر ہو، یا منشیات کے اثرات مکڑیوں پو نشہ کرانا۔ سور کا دل انسان میں لگانا ہو یا بندر کو روبوٹ میں تبدیل کرنا۔

انہی جیسے چند تجربات میں سے ایک دو سر والے ‘ملٹی ڈاگ’ کی تخلیق کی کوشش ہے۔

1950 کی دہائی میں، ولادیمیر ڈیمیخوف نامی ایک سوویت سائنس دان نے ایک چھوٹے کتے کے زیادہ تر جسم کو ہٹا کر ایک بالغ کتے کی گردن سے جوڑا اور ایک دو دو سروں والا کتا بنایا۔

بڑے کتے کا دل دونوں سروں کے لیے درکار تعداد میں خون پمپ کرنے کے لیے کافی تھا اور اس نے کیا بھی۔

آپریشن کے بعد جب کتوں کو ہوش آیا تو چھوٹے کتے کا سر اٹھا اور جمائی لی۔

بڑے کتے کے سر نے اسے حیرانی سے دیکھا اور پہلے تو اسے خود سے ہٹانے کی کوشش کی۔

تاہم، دونوں سروں اور مشترکہ جسم کے مرنے سے پہلے یہ تجربہ صرف چھ مختصر دنوں کے لیے کامیاب رہا۔