دنیا بھی اموات اور معذوری کی سب سے بڑی وجہ عارضہ قلب اور فالج ہے۔ اگر ان جان لیوا امراض سے بچنا چاہتے ہیں تو انگور کو اپنی غذا میں ضرور شامل رکھیں۔

واضح رہے کہ امریکا میں ہونے والی ایک تحقیق کے نتیجے میں یہ بات سامنے آئی ہے۔

کیلیفورنیا یونیورسٹی کی اس تحقیق میں شامل شرکاء کو روزانہ 46 گرام انگوروں کا پاؤڈر دیا گیا جو مقدارمیں 300 گرام انگوروں کے برابر تھا۔

اس تحقیق سے بات سامنے آئی کہ انگور کا مناسب مقدار میں کھانا معدے میں ایسے بیکٹیریا کی افزائش کو بڑھاتا ہے جو جسم کے مدافعتی نظام کو مضبوط بنانے میں اہم کردار دا کرتے ہیں۔

اس تحقیق سے یہ بات بھی سامنے آئی ہے کہ انگور کھانا جسم میں برے کولیسٹرول کی سطح میں کمی کا سبب بنتا ہے یہ ایسا چربیلا مادہ ہوتا ہے جو شریانوں میں جمع ہوکر اسے تنگ کر دیتا ہے جو امراض قلب کی سب سی بڑی وجہ ہے۔

اس تحقیق میں 19 صحت مند افراد کو پولی فینول اور کم فائبر والی غذا کا 4 ہفتوں تک بلا ناغہ استعمال کروایا گیا اور اس غذا کو جاری رکھتے ہوئے مزید 4 ہفتوں تک 46 گرام انگوروں کا پاؤڈر استعمال کروایا گیا۔

تحقیق میں شامل تمام شرکاء کے انگوروں کے پاؤڈر کے  استعمال سے قبل اور بعد میں فضلے اور پیشاب کے نمونوں کو جانچا گیا تو معلوم ہوا کہ جسم میں صحت مند بیکٹیریا کی اقسام میں اضافہ ہوا بلخصوص ایسے بیکٹریا جو گلوکوز اور لپڈ میٹابولزم کے لئے افادیت رکھتے ہیں۔

اس تحقیق سے یہ بات بھی معلوم ہوئی کہ تمام شرکاء کےخون میں کولیسٹرول کی مجموعی سطح  6.1 فیصد کم ہوئی جبکہ جسم کے لئے انتہائی نقصان کے حامل ایل ڈی ایل کو لیسڑول کی سطح بھی 5.9 فیصد گھٹ گئی۔ ساتھ ہی بائل ایسڈ کی سطح بھی 40.9 فیصد کم ہوئی۔

محقیقین کا نتائج کو سامنے رکھتے ہوئےیہ کہنا ہے کہ انگور اپنے بہترین اجزاء کی بدولت معدے کی صحت کے ساتھ دل کے لئے بھی بے پناہ افادیت رکھتا ہے۔

واضح رہے اس سے قبل بھی ایک تحقیق میں انگور کھانے اور دل کی صحت کے درمیان تعلق کو دریافت کیا گیا ہے۔