اومیکرون ویرینٹ کے باعث کورونا کیسز میں اضافے پر تشویش ہے، عثمان بزدار

ویب ڈیسک

10th Jan, 2022. 02:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اومیکرون ویرینٹ کے باعث کورونا کیسز میں اضافے پر تشویش ہے، عثمان بزدار

وزیراعلیٰ پنجاب کے خلاف تحریک عدم اعتماد

وزیر اعلیٰ پنجاب سردار عثمان بزدار نے کہا ہے کہ اومیکرون ویرینٹ کے باعث کورونا کیسز میں اضافے پر تشویش ہے۔

سردار عثمان بزدار نے کورونا ویکسینیشن مہم کو مزید تیز کرنے کی ہدایت دی ہے، ان کا کہنا تھا کہ شہریوں کو بوسٹر ڈوز لگانے کے عمل کو ہر صورت یقینی بنایا جائے۔

انہوں نے کہا کہ اومیکرون ویرینٹ کے باعث کورونا کیسز میں اضافے پر تشویش ہے، حکومت پنجاب شہریوں کی زندگیوں کے تحفظ کے لئے ہر ممکن اقدامات کر رہی ہے، کورونا سے نمٹنے کے لئے انتظامی مشینری، محکمہ صحت، پولیس اور متعلقہ محکمے پوری طرح چوکس ہیں۔

عثمان بزدار کا کہنا تھا کہ کورونا کی پانچویں لہر مزید احتیاط کی متقاضی ہے، پبلک مقامات پر سماجی فاصلہ اختیار کرنا ضروری ہے، موثر طریقے سے ایس او پیز پر عمل درآمد سے ہی بیماری کا پھیلاؤ کم سے کم ہوگا۔

وزیر اعلیٰ پنجاب سردار عثمان بزدار نے مزید کہا کہ عوام سے اپیل ہے کہ وہ اپنی زندگیوں کے تحفظ اور صحت کے لئے حکومتی ہدایات پر عمل کریں۔