برطانیہ کے سب سے خوفناک  اور آسیب زدہ شراب خانوں میں سے ایک جل کر خاکستر ہو گیا ہے، تاہم عجیب خبر اس کے آسیب زدہ ہونے کی نہیں بلکہ اس میں لگی آگ سے اٹھتے دھوئیں میں واضح طور پر نظر آئی ایک شیطانی شکل کی ہے۔

یہ بند پڑا شراب خانہ آسیب زدہ ہونے کی وجہ سے کئی بھوت پریت والے ٹی وی شوز میں دکھایا جاچکا ہے۔

شراب خانے میں روحوں کا سامنا کرنے کا دعویٰ کرنے والی والی سابقہ ملازمہ کا کہنا تھا کہ جب پب میں آگ لگی تو میرا فون مسلسل بج رہا تھا، لوگ مجھے اس سے اٹھتے دھوئیں کی تصویریں بھیج رہے تھے۔

دھوئیں میں ایک شیطانی شکل صاف نظر آرہی تھی اور لوگ کہہ رہے تھے کہ ‘کیا شراب خانے کی روحیں آزاد ہو رہی ہیں؟’

انہوں نے کہا کہ “میرا خیال یہ ہے کہ روحیں عمارت کے جلنے پر غصے میں ہیں، وہ اب بھی وہیں رہنے کا انتخاب کریں گی، چاہے کچھ بھی ہو اور جو کچھ بھی اس کے اوپر  بنایا جائے، زمین ہمیشہ پریشان رہے گی۔”

کہا جاتا ہے کہ یہ پب مولی لی کی ملکیت تھا، جسے برسلم کی ڈائن کہا جاتا ہے۔

ملازمہ ہیلن کا دعویٰ ہے کہ اس نے مولی اور رچرڈ نامی قاتل کے بھوت کو دیکھا ہے۔ ان کا یہ بھی خیال ہے کہ پب کے نیچے ایک سرنگ کو عارضی مردہ خانے کے طور پر استعمال کیا گیا تھا۔

ہیلن نے مزید کہا کہ “لوگوں نے یہاں حملہ کرنے، نوچنے، گلے میں ان دیکھا ہاتھ پڑنے، دروازے کھلنے اور بند ہونے کی اطلاع دی ہے ، لوگوں پر اینٹیں بھی پھینکی گئی ہیں، شیشے شیلفوں سے گرے ہیں، یہ انتہائی پریشان کن تھا۔”

حالیہ مالک کرسی ڈیوو لی اور لاجر ڈیرن بوڈریو کے مطابق، ڈورسیٹ کے جزیرے پورٹ لینڈ پر واقع ایٹ کنگز پب میں شور، جسمانی رابطے، انسانی اور جانوروں کی قسمیں دیکھنے کا تجربہ ہوا ہے۔

جب کہ ‘دنیا کا سب سے زیادہ آسیب زدہ’ کہلانے والے اس پب کی مالکہ کا دعویٰ ہے کہ اسے انسانی ہڈیاں، خنجر اور یہاں تک کہ ایک ممی شدہ بلی بھی ملی ہے۔

انہیں حال ہی میں گراؤنڈ فلور پر ایک کمرے کی سیڑھیوں کے نیچے مزید ہڈیاں ملی ہیں، جن میں جبڑے، کھوپڑی، ریڑھ کی ہڈی اور فیمر کی ہڈیاں شامل ہیں۔