نامور بھارتی کامیڈین کپل شرما کو بھارتی وزیراعظم مودی کیخلاف ٹوئٹ 9 لاکھ کی پڑی۔ 

بھارت کے مقبول ترین کامیڈی پروگرام ’دی کپل شرما شو‘ کے میزبان کپل شرما نے سماجی رابطے کی ویب سائٹ پر ایک ویڈیو اپ لوڈ کی جس کے کیپشن میں انہوں نے لکھا ’’ 28 جنوری کو مجھ سے نیٹ فلیکس پر ملیے ، میرے پہلے اسٹینڈ اپ کامیڈی پروگرام ’ کپل شرما، آئی ایم ناٹ ڈن یٹ‘ میں‘‘۔

ویڈیو کے ابتدا میں بھارت کے نامور کامیڈین اور اداکار کپل شرما انگریزی زبان میں اپنا تعارف کرواتے ہیں ’’میرا نام کپل ہے اور میرا تعلق امرتسر سے ہے اور یہاں میری انگلش ختم ہوگئی‘‘۔

خیال رہے کپل شرما کے چاہنے والے یہ بات بخوبی جانتے ہیں کہ انگریزی زبان میں ان کا ہاتھ تھوڑا تنگ ہے اور وہ خود بھی کئی بار اپنے کامیڈی شو پر اس بات کا اعتراف کرچکے ہیں۔

https://twitter.com/KapilSharmaK9/status/1478637906134589440

کپل شرما نے ویڈیو میں اپنی بات آگے بڑھاتے ہوئے کہا کہ میں گزشتہ 25 سال سے شوبز انڈسٹری میں ہوں اور تقریباً 15 سال سے ٹی وی پروگرامز کررہا ہوں۔

ویڈیو میں کپل شرما کیمرے کے پیچھے موجود لوگوں کے ساتھ کامیڈی بھی جاری رکھے ہوئے ہیں، وہ کیمرے کے پیچھے موجود لڑکی کو مخاطب کرتے ہوئے کہتے ہیں ’’کیا یہ کیمرہ ٹھیک نہیں جو آپ موبائل فون سے بھی ریکارڈنگ کررہی ہیں‘‘۔

بھارتی اداکار نے کہا کہ کامیڈی کو میں نے کبھی سنجیدہ نہیں لیا کیوں کہ مجھے لگتا تھا کہ یہ تو ہم ویسی ہی کررہے ہیں اور پنجاب والوں کے کلچر میں ہنسی مذاق شامل ہے لیکن اس کا اندازہ نہیں تھا کہ اس چیز کے پیسے بھی ملتے ہیں۔

نامور کامیڈین نے کہا کہ ایک فنکار کو ہمیشہ اندر سے ایک آواز آتی ہے کہ میری منزل ابھی دور ہے ، مجھے اور بھی کچھ حاصل کرنا ہے جس کے لیے میں نے نیٹ فلکس کا رخ کیا کیوں کہ مجھے کہا گیا کہ آپ اپنی کہانی ہمیں بتائیں جو میں اپنے انداز میں بتاؤں گا۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Kapil Sharma (@kapilsharma)

Advertisement

بعد ازاں کپل شرما نے اپنے انسٹاگرام اکاؤنٹ سے پروگرام کی ایک مختصر کلپ بھی شیئر کی جس میں انہوں نے اپنی زندگی کا  تلخ تجربہ شیئر کرتے ہوئے کہا ’’ بھارتی وزیراعظم کے خلاف ٹوئٹ کرنے کے فوراً بعد میں مالدیپ نکل گیا تھا اور وہاں ہوٹل والوں کو کہا کوئی ایسا کمرہ دو جہاں انٹرنیٹ کی سہولت نہ ہو‘‘۔

کامیڈین نے کہا مجھ سے ہوٹل اسٹاف نے پوچھا کیا آپ شادی کرکے آئے ہو جس پر میں نے کہا نہیں میں ٹوئٹ کرکے آٰیا ہوں، مالدیپ میں تقریباً 9 لاکھ روپے خرچ ہوئے ، اتنے پیسے تو میں نے اپنی زندگی بھر کی پڑھائی پر نہیں لگائے جتنے ایک ٹوئٹ کے چکر میں دینے پڑگئے۔

کپل شرما نے کہا میں ٹوئٹر پر کیس کرنا چاہتا ہوں، جس طرح وہ سائنسدانوں کی ٹوئٹ کے نیچے لکھ دیتے ہیں کہ ’’ مینوپلیٹڈ ٹوئٹ‘‘ ویسے ہی میرے ٹوئٹ کے نیچے بھی لکھ دیتے ’’ڈرنگ ٹوئٹ‘‘ ، تو کم سے کم میرے پیسے بچ جاتے۔

انہوں نے کہا مجھے یہ سسٹم سمجھ نہیں آتا ، اگر میں نے کوئی بات یا ٹوئٹ رات میں کی ہے تو آپ بھی مجھ سے رات میں ہی بات کرو اور کہانی ختم کرو ، جب کہ آج میں یہ بتانا چاہتا ہوں کہ میری ٹوئٹس سے جتنے بھی تنازعات نے جنم لیا وہ سب میرے نہیں تھے۔