عالمی خبر رساں ادارے کے مطابق آرمینیا کے صدر آرمین سرکیسیان نے اپنے عہدے سے مستعفی ہونے کا اعلان کیا ہے۔
صدر آرمین سرکیسیان نے مستعفی ہونے کے بعد اپنے بیان میں کہا کہ یہ کوئی جذباتی فیصلہ نہیں بلکہ اس کے پیچھے ایک خاص وجہ ہے۔ جو ملکی سلامتی سے متعلق ہے۔ ملک کی تاریخ کے سب سے پیچیدہ بحران میں اختیارات نہ ہونے کے باعث کچھ بھی کرنے سے قاصر رہا۔
صدر اور وزیراعظم نکول پشنیان کے درمیان اختلافات کا آغاز آذربائیجان سے جنگ کے وقت ہوا تھا جس کے نتیجے میں آرمینیا کو شکست کا سامنا کرنا پڑا تھا۔
صدر سرکیسیان کے وزیراعظم نکول پشنیان کے مابین شدید اختلافات اس وقت سامنے آئے جب آذربائیجان سے جنگ کے دوران وزیراعظم نے صدر کی مخالفت کے باوجود چیف آف جنرل اسٹاف کو عہدے سے برطرف کردیا تھا۔
وزیراعظم کے اس آئینی فیصلے پر صدر سرکیسیان کا کہنا تھا کہ اپنے محدود اختیارات کا احساس شدید تر ہوتا گیا جس کےنتیجے میں آج چار سالہ صدارت سے استعفیٰ دے رہا ہوں۔
Advertisement
یاد رہے آذربائیجان کے خلاف جنگ میں شکست کے بعد عوام کی جانب سے مقامی حکومت کو شدید تنقید کا نشانہ بنایا جا رہا تھا اور وزیراعظم نکول پشنیان نے بھی اس تناظر میں مستعفی ہونے کی پیشکش کی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
