آج ملک کے بیشتر شہروں میں موسم سرد رہے گا۔

محکمہ موسمیات کے مطابق  آج اسلام آباد سمیت  صوبہ پنجاب کے بیشتر اضلاع میں موسم خشک اور سرد رہے گا جبکہ میدانی علاقوں میں شدیددھند چھائے رہنے کا بھی امکان ہے۔

 خطۂ پوٹھوہار،  خوشاب، حافظ آباد، گوجرانوالہ، گجرات،  منڈی بہاؤالدین، سیالکوٹ، نارووال، لاہور، قصور اورجھنگ میں مطلع جزوی ابرآلود رہنے کے ساتھ چند مقامات پر بارش اورپہاڑوں پر برفباری کا امکان ہے۔

اسکے علاوہ صوبہ خیبرپختونخواہ کے بیشتر اضلاع  میں موسم  سرد رہے گا جبکہ دیر، سوات،کوہستان،  بونیر، مانسہرہ، ایبٹ آباد ، شانگلہ میں مزیدبارش اورپہاڑوں پر برفباری کا امکان ہے۔

 محکمہ موسمیات کے مطابق صوبہ سندھ کے بیشتر اضلاع  میں موسم خشک اور سرد رہے گا تاہم سکھر، لاڑکانہ، جیکب آباد،شہید بینظیر آباد ، موہنجو داڑو اورگردونواح میں  شدید دھند پڑنے کا امکان ہے۔

 صوبہ بلوچستان کی بات کی جائے تو صوبے بیشتر اضلاع میں موسم سرد رہے گا جبکہ شمالی بلوچستان  میں شدید سرد  رہنے کا امکان ہے۔

 واضح رہے کہ آج ریکارڈ کیے گئے کم ازکم درجہ حرارت میں لہہ منفی 10، گوپس منفی 06،ہنزہ،بگروٹ منفی 04، کالام، اسکردو منفی03، مالم جبہ  ،دروش،استور،راولاکوٹ،قلات منفی02،  دیر،میرکھانی،چراٹ اورمری میں منفی01 ڈگری سینٹی گریڈ ریکارڈ کیا گیا ہے۔