دُنیا بھر کے کئی ممالک کورونا وائرس کے ویرئینٹ ڈیلٹا کے بعد اب امیکرون کا سامنا کررہے ہیں، ایسے میں ماہرین ویکسین لگوانے پر خوب زور دے رہے ہیں۔

کورونا کی ویکسین سے قوتِ مدافعت میں اضافہ ہوتا ہے مگر ویکسین لگوانے کے ساتھ ساتھ ہم اپنی قوت مدافعت کو بڑھانے اور صحت مند رہنے کے لیے ایک گھریلو نسخہ بھی اپنا سکتے ہیں جس کے استعمال سے ہم کورونا سے محفوظ رہ سکتے ہیں۔

اس نسخے میں ماہرین کے بتائے ہوئے اجزا سونف، زیرہ اور ہلدی پاؤڈر شامل ہیں جس سے قوت مدافعت بڑھنے میں مدد ملے گی۔

ہلدی ایک اینٹی بیکٹیریل مصالحہ ہے، یہ جسم کی اینٹی آکسیڈنٹ صلاحیت کو بڑھاتا ہے اور کسی بھی قسم کے انفیکشن سے لڑنے میں مدد کرتا ہے جبکہ اجوائن اور زیرہ آپ کے نظامِ ہاضمہ کے لیے مفید ہیں اور قوت مدافعت بڑھانے میں مدد کرتے ہیں ساتھ ہی بلڈ شوگر کو کنٹرول کرنے اور جسم میں موجود بیکٹیریا سے لڑنے میں مدد کرتے ہیں۔

نسخہ بنانے کیلئے درکار اجزاء

سونف ۔۔۔ آدھا چائے کا چمچ

ہلدی پاؤڈر ۔۔۔ ایک چوتھائی چائے کا چمچ

زیرہ ۔۔۔ ایک چوتھائی چائے کا چمچ

ثابت دھنیا ۔۔۔ ایک چوتھائی چائے کا چمچ

اجوائن ۔۔۔ ایک چوتھائی چائے کا چمچ

ادرک پاؤڈر ۔۔۔ ایک چوتھائی چائے کا چمچ

نسخہ بنانے کا طریقہ

ایک پین میں آدھا چائے کا چمچ سونف، ایک چوتھائی چائے کا چمچ زیرہ، ایک چوتھائی چائے کا چمچ اجوائن اور ایک چوتھائی چائے کا چمچ ثابت دھنیا ڈالیں۔

اس کے بعد ان تمام اجزاء کو 7 سے 10 منٹ تک بھونیں اور انہیں ٹھنڈا ہونے دیں۔

ٹھنڈا ہونے کے بعد ان اجزاء کو پیس کر باریک پاؤڈر بنا لیں اور پھر اُس میں ایک چوتھائی چائے کا چمچ ہلدی پاؤڈر اور ایک چوتھائی چائے کا چمچ ادرک پاؤڈر شامل کرکے اچھی طرح مکس کرلیں۔

اُس کے بعد اس پاؤڈر کو کسی ائیر ٹائیٹ کنٹینر میں رکھ دیں، اس پاؤڈر کا آدھا چمچ روزانہ سونے سے پہلے نیم گرم پانی میں شامل کرکے پی لیں، اس سے آپ کی قوتِ مدافعت میں اضافہ ہوگا اور آپ کورونا وائرس کے ہر ویرئینٹ کا مقابلہ کر سکیں۔