یہ بات ہم سب ہی نے نوٹس کی ہوگی کہ پرواز بھرنے اور اترنے کے دوران طیارے کی لائٹیں بُجھاتے دی جاتی ہیں۔

لیکن ایسا کیوں کرتے ہیں؟ آئیے آج کی اسٹوری میں ہم آپکو بتاتے ہیں کہ ٹیک آف اور لینڈنگ کے وقت جہاز کی لائٹس کیوں بُجھاتے ہیں۔

جیسا کہ ہم سب جانتے ہیں کہ موجودہ دور میں فضائی مسافر دوران سفر مختلف قوائد کے پابند ہیں ، جن میں سیٹ بیلٹ وغیرہ باندھنا شامل ہے۔

موجودہ دور میں جہاز کی لائیٹیں ٹیک آف اور لینڈنگ کے وقت اس لیے بُجھادی جاتی ہیں  کہ ہماری آنکھیں کسی بھی حادثے کی صورت میں اندھیرا ہونے یا دھواں بھر جانے کی وجہ سے خود کو ایڈجسٹ کرلیں۔

ہماری آنکھوں کو اندھیرے کے ساتھ ایڈجسٹ کرنے میں 10 سے 30 منٹ لگ جاتے ہیں اور یہ چند منٹ ہی ہنگامی حالات میں جہاز سے باہر نکلنے کے لیے بہت اہم ہوتے ہیں۔

جہاز کے ایک پائیلٹ اور کتاب کوکپٹ کونفیڈینشل کے منصف پیٹرک اسمتھ نے بتایا ہے کہ جہاز میں لائٹس کو مدہم کرنے کا مطلب ہے کہ ہماری آنکھیں اندھیرے کے لیے پہلے سے تیار ہوں، تاکہ اچانک لائٹ بند ہونے کی صورت میں ہم خود کو اندھا محسوس نا کریں۔

پیٹرک اسمتھ کا کہنا تھا کہ زیادہ تر جہازوں کے حادثات اسی وقت رونما ہوتے ہیں اسی لیے آج کل ایئرلائینز جہازوں کے ٹیک آف اور لینڈنگ کے وقت لائیٹس بند کردیتے ہیں۔