محمد حسنین بولنگ ایکشن، سرفراز احمد حمایت کرنے میدان میں آگئے

ویب ڈیسک

26th Jan, 2022. 12:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محمد حسنین بولنگ ایکشن، سرفراز احمد حمایت کرنے میدان میں آگئے

قومی کرکٹ ٹیم کے سابق کپتان اورکوئٹہ گلیڈی ایٹرز کے کپتان سرفراز احمد کا محمد حسنین کے بولنگ ایکشن پر بیان سامنے آگیا ہے۔

قومی کرکٹ ٹیم کے سابق کپتان سرفراز احمد کا کہنا ہے کہ نوجوان بالر محمد حسنین کا بولنگ ایکشن بالکل کلیئر ہے، امید ہے وہ کسی بھی دباؤ میں آئے بغیر پی ایس ایل میں اچھی کارکردگی پیش کرے گا۔

ورچوئل پریس کانفرنس کرتے ہوئے سرفراز احمد نے کہا کہ سر ووین رچرڈ کا کوئٹہ گلیڈی ایٹرز میں بڑا اہم کردار رہا ، شاہد آفریدی کا ٹیم سے منسلک ہونا خوش آئند ہے کیونکہ اُن کی آمد سے کھلاڑیوں کا مورال بلند ہوگا۔

پی ایس ایل میں غیرملکی کرکٹرز کی شرکت کے حوالے سے گفتگو کرتے ہوئے سابق کپتان نے کہا کہ جیمز فلکنر کے کرونا ٹیسٹ کی رپورٹ منفی آئی ہے جبکہ لیوک ووڈ آئسولیشن مکمل ہونے کے بعد پاکستان آئیں گے۔

واضح رہے کہ بگ بیش لیگ میں محمد حسنین کا باؤلنگ ایکشن رپورٹ ہوا تھا جس کے بعد حسنین کا بائیو مکینک لیب میں ٹیسٹ مکمل ہوگیا ہے، جس کی رپورٹ 14 دن میں موصول ہوگی۔

یاد رہے کہ پاکستان کے 21 سالہ فاسٹ بولر اپنے کرکٹ کیریئر میں پہلی مرتبہ بگ بیش لیگ کھیل رہے تھے، حسنین نے بی بی ایل کے رواں سیزن میں 5 میچز کھیل کے 6 کی ایوریج سے 7 وکٹیں حاصل کی تھیں۔