حافظ نعیم الرحمان کا کہنا ہےکہ ماضی میں نمائندگی کرنے والوں نے کراچی کا سودا کیا۔

امیر جماعت اسلامی کراچی حافظ نعیم الرحمان  نے میڈیا سے گفتگو کرتے ہوئے کہاکہ ہم عوامی تحریک چلاتے ہیں قومیت کی نہیں ،ہم سندھ کیلئے آواز اٹھارہےہیں ،اپنے حق کیلئے نکلنا ہم پرلازم ہوگیا۔

انہوں نے کہاکہ کراچی نے کیا دشمنی کی ہے،اس کوکیوں حقوق سےمحروم کردیاجاتاہے،بلدیاتی قانون میں جو اختیارات سلب کیے ہیں ان کو واپس لیاجائے،سندھ حکومت نے کراچی سے اس کا آئینی حق چھین لیا۔

حافظ نعیم الرحمان نے کہاکہ مظاہرے اوردھرنا دینا جمہوری عمل کا طریقہ کار ہے، سی ایم ہاؤس کی طرف مارچ کرنا بھی ہمارے پلان میں شامل ہے، یہ لوگ چاہتے ہیں اس کو سندھی مہاجر مسئلہ بنادیں۔

امیر جماعت اسلامی کراچی کا کہنا تھا کہ وفاق نے خیراتی طور پر80 بسیں دے دیں ، سندھ حکومت نے تمام اداروں کو اپنے ماتحت کردیا ۔

ان کا کہنا تھا کہ این ایف سی ایوارڈ کا پیسہ عوام کے ٹیکسز کا ہوتا ہے،کراچی میگا سٹی ہے،ملک کی معیشت کو چلاتا ہے۔

 حافظ نعیم الرحمان نے کہاکہ پیپلز پارٹی 14 سال سےمسلسل حکومت میں ہے،ان کی کیاکارکردگی ہے،کراچی کے لوگ کہتے ہیں ہمیں حقوق کیوں نہیں ملتے ،صوبائی حکومت ریونیو اور ٹیکس لیتی ہے، دینےکیلئے کچھ نہیں۔

امیر جماعت اسلامی کراچیکا مزید کہنا تھا کہ پی ٹی آئی نے کہا تھا کراچی کو چار چاند لگادیں گے۔