اگر آپ سمجھتے ہیں کہ شادیوں کے موسم یا بقرعید کے تہوار کے بعد صرف آپ کا ہی وزن بڑھتا ہے تو یہ درست نہیں۔ اب دو مادہ آرمیڈیلو کو ماہرِ حیوانات نے ان کے گھر تک قید کرکے سخت ڈائٹنگ پر رکھا ہوا ہے۔ اس کی وجہ یہ ہے کہ کرسمس پر ان کے مالکان نے ان کو اضافی کھانا دیا اور اب ان کا وزن خطرناک حد تک بڑھ چکا ہے۔

ان دونوں جڑوان آمیڈیلو کے نام پیٹسی اور ایڈی ہیں جنہوں نے بالخصوص نومبر اور دسمبر میں مجموعی طور پر دو کلوگرام سےزائد وزن بڑھایا تھا۔ اب یہ حال ہے کہ وہ گوشت کے گولے جیسے بن چکے ہیں اور چلنے پھرنے میں مشکل محسوس کررہے ہیں۔

ان دونوں کو گزشتہ سال موسمِ گرما میں برطانوی علاقے سسیکس کے ڈروسیلا پارک میں لایا گیا تھا۔ یہ انسانی گود میں بیٹھنا پسند کرتی تھیں اور انہیں طرح طرح کے کھانے کی عادت پڑگئی تھی۔ پارک میں قائم چھوٹے سےچڑیا گھر کی نگراں ڈاکٹر ہیلینا فارلے کہا کہ ان سے ورزشیں بھی کرائی جارہی ہیں۔

چڑیا گھرانتظامیہ کے مطابق یہ سوئی سوئی رہتی ہیں ۔ اگرچہ یہ سردیوں میں عام رحجان ہوتا ہے لیکن اس بار کچھ زیادہ ہی سست ہوگئی ہیں۔ اس سال ان کی خوراک کا خاص خیال رکھا جائے گا اور ورزش بھی کرائی جائے گی تاکہ ان کی زندگی آسان اور متحرک ہوسکے ۔