وزیر خارجہ شاہ محمود قریشی نے جسٹس عائشہ ملک کو مبارکباد دی ہے۔

شاہ محمود قریشی نے ٹوئٹر پر جاری ایک پیغام میں کہا ہے کہ سپریم کورٹ کی پہلی خاتون جج کی حیثیت سے پاکستان کے لیے ایک عظیم دن ہے۔

انہوں نے کہا کہ جسٹس عائشہ ملک اور پاکستان کو مبارک ہو۔

A great day for Pakistan as our first woman Supreme Court judge takes oath.

Advertisement

Congratulations Justice Ayesha Malik and congratulations Pakistan! pic.twitter.com/Iotw8pek7Y

— Shah Mahmood Qureshi (@SMQureshiPTI) January 24, 2022

واضح رہے کہ  جسٹس عائشہ ملک سپریم کورٹ کی پہلی خاتون جج بن گئی ہیں۔

سپریم کورٹ کی پہلی خاتون جج عائشہ ملک نے اپنے عہدے کا حلف اٹھا لیا۔

چیف جسٹس آف پاکستان جسٹس گلزار احمد نے جسٹس عائشہ ملک سے حلف لیا۔

حلف برداری تقریب میں سپریم کورٹ کے ججز،اٹارنی جنرل اور سینئر وکلا نے شرکت کی۔

جسٹس عائشہ ملک کی پیشہ ورانہ زندگی پراک نظر

جسٹس عائشہ ملک نے قانون کی تعلیم حاصل کرنے کے بعد 1997  میں وکالت شروع کی۔

جسٹس عائشہ ملک 27 مارچ 2012 کو بطور جج لاہور ہائیکورٹ تعینات ہوئیں۔

جوڈیشل کمیشن نے 6 جنوری 2022 کو جسٹس عائشہ ملک کی تعیناتی کی سفارش کی تھی۔ جوڈیشل کمیشن کی سفارش کے بعد پارلیمانی کمیٹی برائے ججز تقرری نے ان کی تعیناتی کی حتمی منظوری دی تھی۔

21 جنوری 2022 کو وزارتِ قانون و انصاف کی جانب سے جسٹس عائشہ ملک کی بہ طور سپریم کورٹ جج تقرری کا نوٹیفکیشن جاری ہونے کے بعد صدر مملکت عارف علوی نے جسٹس عائشہ ملک کی تعیناتی کی منظوری دی تھی۔

صدر مملکت نے آئین کے آرٹیکل 177 کی ذیلی شق ایک کے تحت تقرری کی منظوری دی تھی۔

سپریم کورٹ میں مقررہ 17 ججز میں سے جسٹس مشیرعالم کی 17 اگست کو ریٹائرمنٹ کے بعد خالی ہونے والی نشست پر جسٹس عائشہ ملک کی تعیناتی ہوئی ہے۔