پانچ سال قبل ایک حادثے کے بعد چلنے یا بات کرنے سے قاصر رہ جانے والے ایک شخص نے پانچ سالوں میں پہلی بار اپنی ٹانگوں اور آواز کا استعمال کر کے ڈاکٹرز کو حیران کر دیا ہے، ساتھ ہی یہ دعویٰ بھی کیا ہے کہ یہ “معجزہ” کووِڈ ویکسین کی بدولت ہے۔

بھارتی ریاست جھارکھنڈ سے تعلق رکھنے والا 55  سالہ دلارچند مندا کی ریڑھ کی ہڈی ایک کار حادثے میں بری طرح متاثر ہوگئی تھی، جس کی وجہ سے وہ پانچ سال سے بستر پر پڑے ہوئے تھے اور بولنے کے قابل بھی نہیں تھے۔

مندا کا کہنا ہے کہ کورونا وائرس کی ویکسین دیے جانے کے صرف ایک دن بعد وہ اپنی ٹانگوں کو محسوس کرنے لگے اور چھڑی کے سہارے تھوڑا بہت چلنے پھرنے کے قابل بھی ہوگئے۔

سلگڈیہ، بھارت سے تعلق رکھنے والے دلار چند نے کہا کہ “یہ ویکسین لے کر خوشی ہوئی۔ میں 4 جنوری کو ویکسین لینے کے بعد اپنی ٹانگیں ہلا سکتا ہوں۔ میری آواز واپس آئی ہے اور میرے پاؤں بھی ہل رہے ہیں۔

فوٹیج میں دکھایا گیا ہے کہ دلار چند مبینہ طور پر پانچ سال قبل کار حادثے کے بعد پہلی بار اپنے پیروں پر چل رہے ہیں اور واکنگ اسٹک کی مدد سے گھوم رہے ہیں۔

ان کا دعویٰ ہے کہ کورونا ویکسین کی وجہ سے ان کی چلنے کی صلاحیت واپس آگئی ہے۔

اس وقعے نے مقامی طبی ماہرین کو “حیرت” سے دوچار کیا ہوا ہے، جنہوں نے دلار چند کے مشاہدے کے لیے ایک ٹیم کو بلایا ہے۔

ڈاکٹر جتیندر کمار کا کہنا ہے کہ “وہ یہ دیکھ کر حیران رہ گئے ہیں، اور اب سائنس دانوں کو اس پر مزید تحقیق کی ضرورت ہے۔”