ہم پورے شہر کو پھولوں سے آراستہ کرنا چاہتے ہیں، مرتضیٰ وہاب

ویب ڈیسک

14th Jan, 2022. 05:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم پورے شہر کو پھولوں سے آراستہ کرنا چاہتے ہیں، مرتضیٰ وہاب

ایڈمنسٹریٹر کراچی، مشیر قانون و ترجمان حکومت سندھ بیرسٹر مرتضی وہاب نے کہا ہے کہ ہم پورے شہر کو پھولوں سے آراستہ کرنا چاہتے ہیں۔

مرتضیٰ وہاب نے کراچی چڑیا گھر میں تین روزہ میری گولڈ فیسٹیول کا افتتاح کرتے ہوئے کہا کہ میری گولڈ موسم سرما کا پھول ہے اور شہری اسے بے انتہا پسند کرتے ہیں۔

ان کا کہنا تھا کہ فریئر ہال میں ہونے والے میری گولڈ فیسٹیول کو لاکھوں شہریوں نے پسند کیا اور اس میں شرکت کی۔

انہوں نے کہا کہ کراچی چڑیا گھر میں اس فیسٹیول کا مقصد قریب کے علاقوں کے لیے پھولوں کی نمائش کی سہولت مہیا کرنا ہے، شہری اپنی فیملی کے ممبران کے ساتھ میری گولڈ فیسٹیول میں شرکت کریں اور اس سے لطف اندوز ہوں۔

ایڈمنسٹریٹر کراچی کا کہنا تھا کہ کراچی چڑیا گھر میں مزید جانوروں کا اضافہ کیا جائے گا اور اسے مزید بہتر کریں گے کیونکہ کراچی چڑیا گھر شہریوں کے لیے ایک بہترین تفریح گاہ ہے۔