اداکارہ پریانکا اور نک نے بیٹی کو تحفے میں کیا دیا؟

ویب ڈیسک

25th Jan, 2022. 06:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکارہ پریانکا اور نک نے بیٹی کو تحفے میں کیا دیا؟

بھارتی اداکارہ پریانکا چوپڑا اور اُن کے شوہر گلوکار نک جونس نے بیٹی کے لئے عالی شان گھر خرید لیا۔

پریانکا چوپڑا اور نک جونس کے قریبی ذرائع کے مطابق یہ جوڑی کافی عرصے سے اپنے خاندان کو بڑھانے کے بارے میں سوچ رہی تھی اور انہوں نے 2019 میں لاس انجلیس میں ایک مینشن بھی خریدا تھا۔

رپورٹ میں بتایا گیا ہے کہ جب اس جوڑے نے یہ گھر خریدا تو ان کے ذہن میں بچوں کا خیال تھا اور اس کے لئے انہیں ایک ایسی جگہ کی ضرورت تھی جس میں کُھلی جگہ اور ہریالی ہو۔

ذرائع نے بتایا ہے کہ پریانکا اور نک نے بچی کی ضروریات کے مطابق اس گھر کی تزئین و آرائش میں مہینوں گزارے ہیں۔

واضح رہے کہ تین روز قبل ہی انسٹاگرام پر پریانکا چوپڑا اور نک نے خوشی کے ساتھ سروگیسی کے ذریعے والدین بننے کا اعلان کیا تھا، بچی کی پیدائش ساؤتھرن کیلیفورنیا اسپتال میں ہوئی ہے، بچی کی حالت مستحکم ہے اور وہ والدین کے ساتھ گھر جانے کے لئے بھی تیار ہے۔

یاد رہے کہ پریانکا چوپڑا نے 2018 میں امریکی گلوکار نک جونس سے شادی کی تھی۔