تیراکی میں پاکستان کے لئے چار گولڈ میڈل لینے والا دن دہاڑے قتل

ویب ڈیسک

12th Jan, 2022. 09:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تیراکی میں پاکستان کے لئے چار گولڈ میڈل لینے والا دن دہاڑے قتل

تیراکی میں پاکستان کا نام روشن کرنے والے اور پاکستان کے لئے چار گولڈ میڈلز لینے والے نوجوان کھلاڑی غلام مصطفیٰ کو دن دہاڑے گولی مار کر قتل کر دیا گیا۔

تیراکی میں پاکستان کی پہچان بنانے والے اس ماہر تیراک کو اس کے گھر کے باہر نامعلوم افراد نے گولی مار کر قتل کر دیا۔

افسوسناک واقعہ تھانہ جاتلی کی یونین کونسل نرالی کے گاؤں فریال میں پیش آیا ، جہاں فخر پاکستان غلام مصطفیٰ اعوان ولد میر محمد کو نامعلوم افراد نے دن دہاڑے گولی مار کر قتل کر دیا۔

اطلاع ملنے پر مقامی پولیس اسٹیشن کے ایس ایچ او نفری کے ہمراہ موقع پر پہنچ گئے، اور مقتول غلام مصطفیٰ کی نعش کو پوسٹ مارٹم کے لئے اسپتال روانہ کیا۔

ابتدائی معلومات کے مطابق قتل کی وجوہات معلوم نہ ہو سکی اور نہ ہی قاتلوں کا کوئی سراغ مل پایا ہے۔

غلام مصطفیٰ اعوان نے حال ہی میں متحدہ عرب امارات میں تیراکی کے مقابلوں کی مختلف کیٹیگریز میں چار میڈلز جیت کر پاکستان کا نام روشن کیا تھا۔

مختلف کھیلوں کے کھلاڑیوں نے غلام مصطفیٰ کے بہیمانہ قتل پر گہرے رنج و دکھ کا اظہار کیا ہے۔