ہر قسم کے درد میں درد کو ختم کرنے کے لئے گولی کھا لینا بہتر طریقہ نہیں ایسا ہر گز نہ کریں بلکہ چند آسان نسخے آزما کر بھی آپ مختلف اقسام کے درد سے نجات پا سکتے ہیں۔

 اپنے باورچی کھانے میں موجود اجزاء سے آپ کس طرح نسخے اپنا کر خود کو دواؤں سے دور رکھ سکتے ہیں، آیئے آپ کو بتاتے ہیں۔

یہ نسخے آزمائیں اور ہر قسم کے درد سے نجات پائیں

وقت سے پہلے بال سفید ہونا

سوکھے آملہ کھوپرے کے تیل میں اتنا پکائیں کہ یہ گھل جائیں پھر اس تیل کو روزانہ سر پر لگائیں بال کالے ہونا شروع ہو جائیں گے۔

ماہواری کا درد

دو سے تین لیموں کو ٹھنڈے پانی میں نچوڑ کر یہ پانی پی لیں، یا پھر ایک انچ کا ادرک کا ٹکڑا پانی میں اُبال کر یہ پانی پی لیں، درد سے نجات کے لئے روز استعمال کریں۔

آنکھوں کے گرد ہلکے

آنکھوں کے گرد ہلکے ہیں تو انہیں دور کرنے کے لئے کینو کے رس میں گلیسرین مِلا کر آنکھوں پر لگائیں، ہلکے ختم ہو جائیں گے۔

گلے کی سوجن اور درد

 تلسی کے پتوں کو پانی میں اُبالیں اور جب تک پتیوں کا رس نہ نکل جائے ہلکی آنچ پرپکائیں پھر اس پانی سے غرارے کر لیں گلے کی سوزش میں فوری آرام آئے گا اور درد بھی دور ہوگا۔

دائمی سر درد سے نجات

دائمی سر درد یا دردِ شقیقہ سے نجات کے لئے سیب چھیل کر کاٹ لیں اس میں نمک ڈالیں اور نہار منہ صبح کھائیں۔

ہائی بلڈ پریشر

آملہ پاؤڈر کو دودھ میں مِلا کر روز صبح پی لیں، بلڈ پریشر نارمل رہے گا ساتھ ہی نمکین غذاؤں سے پرہیز کریں۔

دمہ سے نجات

 دمے سے نجات کے لئے ایک چمچ شہد میں آدھا چائے کا چمچ الائچی پاؤڈر ملا کر روزانہ رات پی لیں، دمہ سے چھٹکارا مل جائے گا یا پھر روزانہ ایک لہسن صبح نہار منہ کھائیں۔

خشکی سے نجات

سر سے خشکی دور کرنے کے لئے کھوپرے کے تیل میں کافور ملا کر سر پر لگائیں خشکی اور سکری سے نجات مل جائے گی آپ روزانہ سونے سے پہلے یہ تیل لگا سکتے ہیں۔

گیس سے نجات

تقریبا 1/4 چمچ یا ایک چٹکی بیکنگ سوڈا پانی میں ملا کر پینے سے گیس سے راحت حاصل ہو جاتی ہے۔