اگر آپ نے ویکسین نہیں لگوائی تو آپ بے وقوف ہیں چہرے پر ماسک پہنیں، امریکہ میں براہِ راست نشریات کے دوران نیوز اینکر آپے سے باہر ہو گیا۔

غیرملکی خبررساں ادارے کی رپورٹ کے مطابق امریکی ریاست میکسیکو سے تعلق رکھنے والا ایک نیوز اینکر براہ راست نشریات کے دوران خود پر قابو کھو بیٹھا اور کورونا ویکسین نہ لگوانے والوں کی خوب کھینچائی کر ڈالی، جس کی ویڈٰیو سوشل میڈیا پر خوب وائرل ہو رہی ہے۔

ویڈیو میں دیکھا جا سکتا ہے کہ لیونارڈو نامی نیوز اینکر غصے میں چیختے ہوئے کورونا ویکسین نہ لگوانے والوں کو ماسک پہننے کا کہہ رہا ہے۔

نیوز اینکر نے براہِ راست نشریات میں کہا کہ اگر آپ نے ویکسین نہیں لگوائی تو آپ بے وقوف ہیں چہرے پر ماسک پہنیں۔

نیوز اینکر کی یہ ویڈٰیو سوشل میڈٰیا پر آگ کی طرح پھیل رہی ہے اور سوشل میڈیا صارفین نیوز اینکر کے اس انداز پر خوب تبصرے بھی کر رہے ہیں۔

https://twitter.com/i/status/1483087487106883584

تاہم نیوز اینکر نے اس ویڈٰیو پر ردِ عمل دیتے ہوئے کہا کہ اسے براہِ راست نشریات کے دوران ایسا انداز اپنانے پر افسوس ہے، لیکن کبھی کبھی آپ کو لوگوں کو سمجھانے کے لیے چیخنا پڑتا ہے۔

اینکر کا کہنا تھا کہ انہیں اس بات کی کوئی پرواہ نہیں کہ ان کے غصے کے لیے انہیں پاگل کہا جائے لیکن لوگوں کو وبا سے بچاؤ کے لیے ماسک پہننا چاہیے۔