لیورپول نے کیرا باؤ کپ سیمی فائنل منسوخ کرنے کی درخواست کر دی

ویب ڈیسک

05th Jan, 2022. 07:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لیورپول نے کیرا باؤ کپ سیمی فائنل منسوخ کرنے کی درخواست کر دی

لیور پول فٹ بال کلب نے کورونا کیسز کی تعداد بڑھنے کے باعث انتظامیہ سے کیرا باؤ کپ کے سیمی فائنل کی منسوخی کی درخواست کر دی۔

کیرا باؤ کپ کا سیمی فائنل کل آرسنل میں ہونا تھا۔

لیور پول کے مینجر جرگین کلوپ بھی کورونا کا شکار بن چکے ہیں، جبکہ کیمپ کے مزید چھ افراد بھی کورونا کا شکار ہیں۔

لیور پول کے کھلاڑی الیسن ، جوئل میٹپ اور رابرٹو فرمینیو کے علاوہ تین اسٹاف ممبر بھی کورونا کا شکار ہیں۔

لیور پول کے اہم کھلاڑی میں شامل محمد صلاح ، سادیو مین اور نابے کی ایٹا اپنے ملک کو روانہ ہو چکے ہیں۔

محمد صلاح ، سادیو مین اور نابے کی ایٹا افریقن کپ آف نیشن میں اپنے ممالک کی نمائندگی کریں گے۔

لیور پول فٹ بال ٹیم کو کل ای ایف ایل میں کیرا باؤ کپ کا سیمی فائنل ایمریٹس اسٹیڈیم میں کھیلنا ہے۔

لیور پول کی انتظامیہ نے اپنے ایک اعلانیے میں کہا ہے کہ انگلش فٹ بال لیگ کو درخواست دے دی گئی ہے ۔

انتظامیہ کا موقف ہے کہ کل کے سیمی فائنل کے لئے ٹیم جسمانی اور ذہنی طور پر تیار نہیں ہے۔ سفری سہولت کاروں نے بھی احتیاط برتنے کا مشورہ دیا ہے۔

انگلش فٹ بال لیگ کی انتظامیہ کا کہنا ہے کہ لیور پول کی درخواست کو لیگ کے قوانین کے حوالے دیکھا جا رہا ہے اور جلد ہی اس پر فیصلہ کیا جائے گا۔