فوادچوہدری نے کہاہےکہ رواں سال پاکستان کے استحکام کا سال ہوگا۔

وفاقی وزیراطلاعات ونشریات فواد چوہدری رکن قومی اسمبلی عالمگیر خان  کے والد کی وفات پراظہارتعزیت کےلئے کراچی ان کےگھر پہنچے۔

وفاقی وزیراطلاعات نےمرحوم کےدرجات کی بلندی کے لیے دعا کی۔

اس موقع پر میڈیا سے گفتگو کرتے ہوئے انہوں نے کہاکہ روپیہ پہلے سے مستحکم ہورہا ہے ،ایسا نہیں ہوگیا اسٹیٹ بینک آئی ایم ایف کوگروی کردیا ، اسٹیٹ بینک کی آزادی پاکستان کے مفاد میں ہے۔

انہوں نے کہاکہ کسی اتحادی نے بجٹ پر اعتراض نہیں کیا ، فنانس بل میں ایسی کوئی بات نہیں جس کی مخالفت کی جائے۔

فواد چوہدری نے بتایاکہ نوازشریف کی واپسی کیلئے اٹارنی جنرل کو ہدایت کی ہے، شہباز شریف نے حلف نامہ دیاتھا،ان کےبھائی اب واپس نہیں آرہے، جعلی حلف نامے پرشہباز شریف کےخلاف کارروائی کی جائے۔

‘صحت کارڈ کی بدولت عوام کے علاج معالجے کا خرچ اب حکومت اٹھا رہی ہے ’

وفاقی وزیر نے کہاکہ مفتاح اسماعیل کی کمپنی نے پی ٹی آئی حکومت میں خوب منافع کمایا،کمپنی کومنافع ہونے پرمفتاح اسماعیل کومبارکباد دیتاہوں، نجی سیکٹر نے پیسا کمایا،ورکرز کی تنخواہیں نہیں بڑھائیں۔

وزیر اطلاعات نے کہاکہ دنیا اس وقت کورونا کا دوبارہ شکار ہورہی ہے، پاکستان میں کورونا کی صورتحال بہتر ہے۔

انہوں نے مزید کہاکہ پنجاب کی عوام اب صحت کارڈ کی بدولت نجی اسپتالوں سے مفت میں علاج کرواسکیں گے، سندھ حکومت صوبے میں صحت کارڈ کا آغازکرے، پیپلز پارٹی سندھ کےعوام سے کس چیز کا بدلہ لےرہی ہے۔