بچوں کی موجیں ختم، لاہور سمیت چوبیس اضلاع کے اسکولوں میں موسم سرما کی تعطیلات ختم ہوگئی اور آج سے اسکول کھل گئے۔

ذرائع کے مطابق سردی اور بارش کی وجہ سے اسکولز میں بچوں کی حاضری نہ ہونے کے برابر ہے۔

سخت سردی اور بارش کے باوجود اسکول آنے والے بچے پرجوش ہیں، ان کا کہنا ہے کہ پڑھائی کا شوق ہے، اس لیے بارش میں بھی آئے ہیں۔

پنجاب میں تعلیمی ادارے کھل گئے 

لاہور سمیت چوبیس اضلاع کے اسکولوں میں موسم سرما کی تعطیلات کا کل آخری دن تھا، آج  سے لاہور سمیت پنجاب کےچوبیس اضلاع کے اسکول کھل گئے ہیں۔

سیکرٹری اسکولز ایجوکیشن کا کہنا ہےکہ موسم سرما کی چھٹیوں میں مزید توسیع نہیں ہوگی۔

 ہفتے میں تین دن چھٹیوں کی پالیسی کا سلسلہ 15 جنوری تک چلے گا۔ کورونا کے کیسز بڑھنے پر اسکولوں میں چھٹیاں بڑھانے کی تجویز بھی زیر غور تھی۔

سیکرٹری اسکولز ایجوکیشن غلام فرید نے غیریقینی صورتحال ختم کرتے ہوئے واضح کیا ہے کہ چھٹیوں میں توسیع نہیں کی جا رہی اور تمام اسکول شیڈول کے مطابق اپنی مقررہ تاریخ پر کھلیں گے۔

تعلیمی اداروں میں چھٹیاں ختم، وزیرتعلیم کا اہم بیان

وزیر تعلیم پنجاب مراد راس کا بھی اس حوالے سے اہم بیان سامنے آگیا۔

صوبائی وزیر مراد راس کا کہنا ہے کہ حکومت نے 6 جنوری تک سرما کی چھٹیوں کا اعلان کیا ہے۔

جمعہ کو اسکول کھلیں گے اور اس کے بعد طلبہ ہفتہ اتوار اور پیر کو دوبارہ تین دن چھٹیاں کریں گے۔

صوبائی وزیر تعلیم پنجاب مرادراس نے کل سے اسکول کھلنے کا ٹوئیٹ کرتے ہوئے کہاکہ
تمام طلبا اور اساتذہ کوخوش آمدید کہتے ہیں۔

ANNOUNCEMENT
All schools of Punjab that had winter vacation till January 6th, 2022 will open tomorrow January 7th, 2022. We welcome our students and teachers back to school. Please follow COVID SOPs issued by the government.

— Murad Raas (@DrMuradPTI) January 6, 2022

انہوں نے مزید کہاکہ حکومت کے جاری کردہ کورونا ایس اوپیز پر عمل درآمد یقنینی بنایاجائے۔