پنجاب کی جیلوں میں قیدیوں کو کورونا سے بچاؤ کےلئے بوسٹرڈوز لگانے کا سلسلہ شروع کر دیا گیا۔

آئی جی جیل پنجاب مرزاشاہد سلیم بیگ کی ہدایت پرکوروناخدشات کےپیش نظرتمام جیلوں میں بوسٹرڈوزلگائی جارہی ہے۔

پنجاب بھرکی جیلوں میں قیدیوں سمیت محکمہ جیل خانہ جات پنجاب کےملازمین کوبھی بوسٹر ڈوز لگائی جارہی ہے۔

30 سال یا اس سے زائدعمر کے قیدی و ملازمین جن کو کورونا ویکسین کی دوسری ڈوز 6 ماہ قبل لگ چکی ہے ، انہیں اب بوسٹر ڈوز لگائی جا رہی ہے۔

آئی جی جیل خانہ جات نے بوسٹر ڈوز لگوانے کے ساتھ ساتھ  این سی او سی کی جاری کردہ  ایس او پیز پر سختی سے عملدرآمد کرنے کی ہدایت کی ہے۔

تعلیمی بنیاد پر غیر مسلم قیدیوں کی سزا میں کمی کا اعلان

گزشتہ روزپاکستان کی تاریخ میں پہلی مرتبہ غیرمسلم  قیدیوں کےلئے ایک اہم اقدام کیا گیا ہے۔

پنجاب کی جیلوں میں  قید غیر مسلم قیدیوں کی سزاؤں میں تعلیمی بنیاد پر کمی کرنے کا فیصلہ کیا گیا ہے۔

اس حوالے سے محکمہ جیل خانہ جات نے غیر مسلم قیدیوں کا ریکارڈ اکٹھا کرنا شروع کر دیا ہے۔

 ذرائع کے مطابق پنجاب کی جیلوں میں قید غیر مسلم قیدیوں کا ریکارڈ وزیر اعلیٰ پنجاب عثمان بزدار کو بھجوایا جائے گا۔

پنجاب کی جیلوں میں غیر مسلم قیدیوں کی تفصیلات

پنجاب کی جیلوں میں اس وقت 1307 غیر مسلم قیدی مختلف مقدمات میں قید کاٹ رہے ہیں ، ان میں ہندو، عیسائی ، سکھ اور دیگر غیر ملکی قیدی شامل ہیں۔

تعلیم کی بنیاد پر سزا میں کتنی معافی ہوگی؟

پنجاب کی جیلوں میں قید ملزمان کی تعلیمی بنیاد پر سزاؤں میں کمی کی جاتی ہے۔

میٹرک ، ایف اے، بی اے اور ایم اے کی ڈگری لینے والے قیدیوں کی سزاؤں میں ایک سے تین ماہ کی معافی دی جاتی ہے۔