رانا ثنا اللہ کا کہنا ہےکہ نوازشریف کے چوتھی مرتبہ وزیراعظم بننےمیں حائل رکاوٹیں دور ہوجائینگی۔

پاکستان مسلم لیگ ن کے مرکزی رہنما رانا ثنا اللہ نے میڈیا سے گفتگو کرتے ہوئے کہاکہ پی ٹی آئی کی کرپشن اورغبن پوری دنیاکےسامنےعیاں ہوگئی۔

انہوں نے کہاکہ نوازشریف ہی ن لیگ کےوزیراعظم ہوں گے، نوازشریف چوتھی مرتبہ بھی وزیراعظم بنیں گے۔

رانا ثنا اللہ نے کہاکہ شہبازشریف کی پنڈی میں کسی سےملاقات نہیں ہوئی، شہبازشریف نے پار لیمانی ارکان سےملاقاتیں کی ہیں،شہبازشریف چاہتےہیں ادارےاپنی حدود میں کام کریں،ٹکراؤنہ ہو۔

مسلم لیگی رہنما نے کہاکہ نوازشریف جب چاہیں آسکتےہیں،انہیں کوئی نہیں روک سکتا، ڈی جی آئی ایس پی آرکے بیان کی تائیداورشکریہ اداکرتاہوں۔

انہوں نے کہاکہ نوازشریف کسی قسم کی ڈیل کاحصہ بننےکوتیارنہیں، نوازشریف متعدد بارشفاف الیکشن کی جدوجہد کاکہہ چکے۔

 رہنما رانا ثنا اللہ نے کہاکہ حکومت نےمریم نوازکی آڈیوکئی روزسےاپنےپاس رکھی ہوئی تھی،مریم نوازکی آڈیواسکروٹنی کمیٹی کی رپورٹ والےدن چلائی گئی، مریم نوازنےایساکوئی لفظ ادانہیں کیاجس پراعتراض کیاجائے۔

انہوں نے کہاکہ پرویزرشید انتہائی شریف اورکسی کادل نہ دکھانےوالےآدمی ہیں، وائس ریکارڈنگ لیک ہونے پرکارروائی ہونی چاہیے،  2 افراد کی ذاتی بات پروائس ریکارڈ کرناجرم ہے، مریم نوازکی وائس حکومت نےریکارڈکی۔

مسلم لیگی رہنما نے کہاکہ بھاری پتھرہٹانےکیلئےکوئی غلطی کی تلافی کرےتواس میں کوئی حرج نہیں، نااہل ٹولےکومسلط کرنےوالوں کوبھی اب احساس ہوناچاہیے،  اداروں کواپنی حدودمیں رہ کرکام کرناچاہیے۔

انہوں نے کہاکہ عمران خان چورثابت ہوئے، وقت آگیا گریبان سےپکڑکرگھسیٹ کروزیراعظم ہاؤس سےنکالیں، اب عمران خان کاگریبان اورعوام کاہاتھ ہوگا۔

رہنمان لیگ راناثنااللہ کا کہنا تھا کہ کنٹینر پر کھڑے ہوکر کہتے تھے تلاشی لینی چاہیے ،عمران خان کو چندہ دینے والے لوگ ہی ان کی حکومت کے بینیفشری ہیں ، ان کی اے ٹی ایمز نے عوام کو لوٹا،ان کی جیبوں سے پیسا نکالا۔

ان کا مزید کہنا تھا کہ مولانا فضل الرحمان کہتے تھے عمران خان غیرملکی ایجنڈے پر ہیں۔